محمد بن علی الاردبیلی الغروی الحائری کا تعلق ایران کے شہر اردبیل سے ہے۔ لیکن زندگی کا زیادہ عرصہ نجف اشرف اور کربلا مقدس میں گذرا اور حصول تعلیم کے لیے ایران کے سفر بھی کیے۔
ولادت
آپ کی ولادت 1058 ہجری میں ہوئی۔
تعلیم اور اساتذہ
آپ نے دینی تعلیم نجف اور کربلا سے حاصل کی۔ لیکن حصول علم کے لیے ایران کے علمی مراکز اصفہان اور دیگر شہروں کا بھی سفر کیا۔ علم حدیث، عقلی علوم اور دیگر علوم کے لیے علامہ محمد باقر مجلسی کی شاگردی اختیار کی۔ انھوں نے 17 ذی القعدہ 1098 ہجری کو اجازہ بھی عطاء کیا۔ شیخ جعفر بن عبد اللہ قاضی کمرئی کے شاگرد بھی رہے جیسا انھوں اپنی کتاب جامع الرواۃ میں اس کا تذکرہ کیا ہے۔
تالیفات
مولف مرحوم کی چند اہم تالیفات ہیں۔ جن میں سے سب سے مشہور جامع الرواۃ ہے۔
وفات
آپ نے ذی القعدہ 1101 ہجری میں کربلا میں وفات پائی۔
