حوالدار (انگریزی: Havaldar)[1] ہندوستان کے مغل اور مرہٹہ دور میں قلعے کا نگران فوجی افسر ہوا کرتا تھا جبکہ برطانوی عہد کی ہندوستانی فوج میں یہ عہدہ نائیک سے اوپر اور سارجنٹ کے برابر ہوا کرتا۔ یہ عہدہ آج بھی پاکستانی اور بھارتی فوج میں مستعمل ہے۔ برطانوی فوجیوں کی طرح حوالدار بھی تین لکیروں والا نشان لگاتے ہیں۔ یہ نان کمشنڈ آفیسر میں سب سے بڑا عہدہ ہے۔ عموماً اس کے زیر کمان تین نائیک ہوتے ہیں جبکہ ایک نائیک کے زیر کمان 10 سپاہی ہوتے ہیں۔
