بزنس اسٹینڈرڈ (انگریزی: Business Standard) بھارت کا ایک انگریزی زبان میں شائع ہونے والا روزنامہ اخبار ہے، جسے بزنس اسٹینڈرڈ پرائیویٹ لمیٹڈ شائع کرتا ہے۔[4] 1975ء میں قائم ہونے والا یہ اخبار بھارتی معیشت، عالمی کاروبار، اسٹاک اور کرنسی مارکیٹ، اور مالیاتی و کاروباری خبروں، تجزیوں و آراء کا احاطہ کرتا ہے۔
تاریخ
بزنس اسٹینڈرڈ کا ابتدائی مالک کولکتہ میں قائم اے بی پی گروپ تھا۔ مالی نقصان اور بڑھتے ہوئے اخراجات کی وجہ سے اے بی پی گروپ کو اسے فروخت کرنے کا فیصلہ کرنا پڑا، اور یوں 1997ء میں کوٹک مہندرا بینک کے اُدے کوٹک نے اس کا انتظام سنبھالا۔[5] اس کے بعد، اخبار نے ترقی کی اور بھارت کا دوسرا بڑا کاروباری روزنامہ بن گیا۔
زبانیں اور اشاعت
بزنس اسٹینڈرڈ انگریزی اور ہندی زبانوں میں شائع ہوتا ہے۔ اس کے 12 بڑے شہروں سے مختلف ایڈیشنز شائع ہوتے ہیں، جن میں ممبئی، نئی دہلی، کولکاتا، بنگلور، چنئی اور دیگر شہر شامل ہیں۔[6]
مجلسِ ادارت و عملہ
1993ء سے 2009ء تک مالیاتی صحافی ٹی این نینن اخبار کے ایڈیٹر رہے۔ ان کے بعد سنجیے بارو نے ایڈیٹر کا عہدہ سنبھالا، اور موجودہ ایڈیٹر شیلیش دوبھال ہیں۔[7]
↑"Who Owns Your Daily Newspaper?"۔ اصل سے آرکائیو شدہ بتاریخ 2016-11-09۔ اخذ شدہ بتاریخ 2020-02-14{{حوالہ ویب}}: اسلوب حوالہ 1 کا انتظام: BOT: original URL status unknown (link)March 2, 2016 The Daily Pao
