И. Н. Ульянов исемендәге Чуаш дәүләт университеты

И. Н. Ульянов исемендәге Чуаш дәүләт университеты
Нигезләнү датасы 17 август 1967
Сурәт
Ректор Андрей Юрий улы Александров[d]
Дәүләт  Россия
Административ-территориаль берәмлек Чабаксар
Урын Чабаксар
Укучылар саны 16 100
Ана ширкәт Россия Федерациясенең фән һәм югары белем министрлыгы[1]
Штаб-фатирының урнашуы Чабаксар, Россия
IPv6 диапазоны 2001:6d0:fff8::/48[2]
Адрес Мәскәү проспекты, 15
Почта индексы 428000
Рәсми веб-сайт chuvsu.ru
Оешма хезмәткәрләре өчен төркем Төркем:Чуаш дәүләт университеты укытучылары[d]
Карта

И. Н. Ульянов исемендәге Чуаш дәүләт университеты (рус. Чувашский государственный университет имени И. Н. Ульянова, чуаш. И. Н. Ульянов ячӗллӗ Чӑваш Патшалӑх Университечӗ) — Чуашстан башкаласы Чабаксарда урнашкан классик дәүләт университеты. Алатырь шәһәрендә филиалы бар (2018).

Югары уку йортын гамәлгә куючы — РФ Хөкүмәте, РФ фән һәм югары белем министрлыгы карамагында.

Тарих

Алтарих

Чабаксар шәһәрендә дәүләт университеты оештыру мәсәләсе 1920 елда Чуаш автономияле өлкәсе инкыйлаби комитеты һәм Советларның I съезды тарафыннан, шулай ук 1958—1959 елларда күтәрелгән булган. 1967 елга Чабаксарда өч югары уку йорты эшләгән: И. Я. Яковлев исемендәге Чуаш дәүләт педагогика институты, Чуаш авыл хуҗалыгы институты һәм Мәскәү энергетика институтының Идел филиалы.

Мәскәү энергетика институтының Идел филиалында лаборатория базасы, уку-укыту мәйданнары, студент тулай тораклары, китапханәсе (фондында якынча йөз мең том китап), басмаханә, исәпләү техникасы лабораториясе, уку-укыту остаханәләре, диплом проектлау кабинетлары була. Чабаксарда өч югары уку йотыннан тыш, ике фәнни-тикшеренү институты һәм күпсанлы фәнни-педагогик кадрлары булган башка фәнни-җитештерү һәм мәдәният оешмалары эшләп килә.

1967 — 1990

Чуаш дәүләт университеты 1967 елның 1 сентябрендә СССР Министрлар Советының 1967 елның 17 мартында кабул ителгән 796нчы санлы карары, РСФСР Министрлар Советының 1967 елның 21 августындагы 631нче санлы карары нигезендә Мәскәү энергетика институтының Идел филиалы һәм И. Я. Яковлев исемендәге Чуаш дәүләт педагогика институтының тарих-филология факультеты базасында оештырыла.

Университет ачылганда, ректор итеп техник фәннәр докторы, профессор Семен Федор улы Сайкин, фәнни эшләр буенча проректор итеп профессор Сергей Андрей улы Абруков, укыту эшләре буенча проректор итеп Александр Карапет улы Аракелян билгеләнә. Оештырылуының беренче елында вузда җиде факультет булган: тарих-филология, медицина, гомумтехник, химия, икътисад, электротехника, сәнәгатьне электрификацияләү һәм төзелеш.

РСФСР Министрлар Советының 1967 елның 30 ноябрендщге 882нче санлы карары белән университетка тәрбия мәсьәләләрендә либераль-демократик карашта торган, ике җенес һәм һәр милләт, матди яктан төрле катлам вәкиленә бердәй тигез, киңкырлы белем бирү яклы булган рус мәгърифәтчесе, педагог Илья Ульянов исеме бирелгән[3].

1967—1968 уку елында электротехника, сәнәгатьне электрификацияләү факультетларында 1 300 дән артык студент укыган; кичке һәм читтән торып укулы факультетларда, гомумтехник факультетны да кертеп, 3 800 гә якын студент укыган; 200 ләп укытучы укыткан, алар арасында 20 фән докторы һәм кандидаты булган. Тарих-филология факультетында 900 студент укыган (350 се көндезге бүлектә); гыйльми-педагогик коллективта 3 профессор һәм 30 доцент исәпләнгән.

1968—1969 уку елына физика-математика факультеты ачыла. Университетның сигез факультетында 45 гомумфәнни һәм махсус (профильле) кафедра исәпләнгән, аларда гомуми фәнни (20 кафедра) һәм махсус (25 кафедра) 15 белгечлек буенча яшь белгечләр әзерләнгән. Кичке һәм читтән торып уку бүлекләре булган гомумтехник факультет базасында машина төзү һәм инженер-төзүчеләр факультетлары ачыла.

1981 елның июлендә университет ректоры итеп Петр Александр улы Сидоров билгеләнә. Әлеге вазифаны 1990 елга кадәр адып бара. Аның җитәкчелегендә Чабаксарның Университет урамында күпкатлы уку-укыту корпуслары төзелә.

1991 — 2010

1990 елның декабрендә ректор итеп икътисад фәннәре докторы профессор Лев Пантелеймон улы Кураков билгеләнә. Ул җитәкчелек иткәндә филиаллар челтәре киңәя, вузның Чуашстан районнарында вәкиллекләре ачыла.

1991 елда университетка беренче 25 чит ил студенты кабул ителә.

1994 елда университет каршында Республика гимназия-интернаты эшли башлый, анда тулы дәүләт тәэмин ителешендә авыл районнарыннан конкурс аша узып кабул ителгән мәктәп балалары укый. Гимназиядә 10 һәм 11 сыйныф программаларын университетның профессор һәм укытучылары алып бара.

2001 елдан университет Бердәм Дәүләт Имтиханын (БДИ, рус. ЕГЭ) кертү буенча экспериментта катнаша. 2002—2004 елларда университет шулай ук дәүләтнең исемле финанс бурычларын кертү буенча экспериментта катнаша.

2005 елга хәтле университетта хәрби кафедра эшли.

2010 елдан соң

2010 елның 12 гыйнварында Мәгариф буенча федераль агентлык боерыгы белән ректор итеп профессор Всеволод Георгий улы Агаков билгеләнә.

2011 елның 27 сентябрендә университетның багучылар советы оештырыла, республика һәм федераль дәрәҗәдәге министрлыклар һәм ведомстволар, предприятиеләр һәм оешмалар җитәкчеләре совет әгъзалары итеп кабул ителә.

РФ фән һәм югары белем министрлыгының 2013 елның 23 декабрендәге боерыгы буенча ректор итеп Андрей Юрий улы Александров раслана.

Университетның Алатырь шәһәрендәге филиалыннан тыш, Канаш шәһәрендә, Батыр авылында (район үзәге) филиаллары булган.

Гыйльми һәм уку-укыту эшчәнлеге

Университетта 15 факультет, Алатырь шәһәрендә филиал, өстәмә белем бирү хезмәте күрсәтү, белем бирү эшчәнлеге белән идарә итүне оптимальләштерү, укыту процессына инновацион проектлар һәм модельләр кертүне активлаштыру максатларында төзелгән Өстәмә белем бирү үзәге бар.

Университетта 150 гә якын профессор, фән докторы һәм 600 дән артык доцент, фән кандидаты эшли.

Халыкара элемтәләр бүлеге чит илләрдәге уку йортлары белән контакт булдыру, укытучы һәм студентларны халыкара алмашуны оештыру буенча эшчәнлек алып бара. Элемтәләр халыкара конференцияләр, семинарлар һәм курслар оештыру, укытучы һәм студентларны алмашу формасында бара. Университетта чит ил студентларын һәм стажерларын укыту программалары гамәлдә. Вузны тәмамлаучыларның күбесе университет ординатурасында һәм аспирантурасында укуын дәвам итә. Чит ил студентларына үз илләрендә рус телен укытуга хокук бирүче өстәмә белгечлек алу мөмкинлеге тудырылган.

Факультетлар һәм белгечлекләр

Университет составында түбәндәге факультетлар бар: чит телләр; информатика һәм исәпләү техникасы; сәнгать; тарих-география; машина төзү; медицина; радиоэлектроника һәм автоматика; төзелеш; идарә һәм социаль технологияләр; гамәли математика, физика һәм информацион технологияләр; химия-фармацевтика; икътисад; энергетика һәм электротехника; юридик; рус һәм чуаш филологиясе һәм журналистикасы.

Университетта бакалавриатның 57 юнәлеше, белгечләр әзерләүнең 27 программасы, магистратураның 31 юнәлеше буенча белгечләр әзерләнә.

Фәнни-инновация эшчәнлеге

Университетта фәнни-инновация эшчәнлеге белән фәнни эшләр буенча проректор Евгений Николай улы Кадышев җитәкчелек итә.

Диссертация советлары

Университетта алты диссертация советы эшли:

  • Д 212.301.01: белгечлекләр: 08.00.01 — Икътисад теориясе (икътисад фәннәре) һәм 08.00.05 — Икътисад һәм халык хуҗалыгы белән идарә итү (икътисад фәннәре);
  • Д 212.301.02: белгечлекләр: 05.09.10 — Электротехнология (техник фәннәр), 05.09.12 — Көч электроникасы (техник фәннәр), 05.14.02 — Электр станцияләре һәм Электроэнергетика системалары (техник фәннәр);
  • Д 212.301.03: белгечлекләр: 10.01.02 — Россия Федерациясе халыклары әдәбияты (чуаш, мари, коми) (филология фәннәре), 10.02.20 — Чагыштырма-тарихи, типологик һәм чагыштырма тел белеме (филология фәннәре);
  • Д 212.301.04: белгечлекләр: 09.00.01 — Онтология һәм танып-белү теориясе (фәлсәфә фәннәре), 09.00.11 — Социаль философия (фәлсәфә фәннәре);
  • Д 999.173.02: белгечлекләр: 07.00.02 — Ватан тарихы (тарих фәннәре), 07.00.07 — Этнография, этнология, антропология (тарих фәннәре);
  • Д 212.301.06: белгечлекләр: 05.09.01 — Электромеханика һәм электр җиһазлары (техник фәннәр), 05.09.03 — Электротехника комплекслары һәм системалары (техник фәннәр).

Конференция

Ел да көз көне Чабаксарда Чуаш дәүләт университеты химаясендә Бөтенроссия — фәнни конференциясе уздырыла. Конференциянең махсус атамасы: «Милли филология һәм мәдәният мәсьәләләре».

Профессорлар һәм укытучылар составы

Университет инфраструктурасы

Уку корпуслары

Ленин проспектындагы төзелеш факультеты корпусы (Чабаксар)

Уку корпуслары күпчелек Чабаксарның Төньяк-Көнбатыш районында тупланган. Төзелеш факультеты корпусы шәһәрнең үзәгендә тарихи бинада урнашкан.

Студентлар шәһәрчеге

Студентлар шәһәрчеге Чабаксарның төньяк-көнбатыш өлешендә урнашкан. Анда 3 000 урынга исәпләнгән сигез тулай торак бар. 2009 елда университет иң яхшы студент тулай торагына ухдырылган Бөтенроссия конкурсында «Студент тулай торагы шартларында медица хезмәте күрсәтү» номинациясендә җиңүче була[4].

Фәнни китапханә

Фәнни китапханә 1958 елда ачылган А. А. Жданов исемендәге Горький политехника институтының Чабаксар филиалы китапханәсе базасында булдырылган[5].

Фәнни китапханә фондларында 1,91 млн данә төрле басма (2010 елның 1 гыйнварына), сирәк китаплар һәм кыйммәтле кулъязмалар фондында — 24 100 данә. Фәнни китапханәнең мультимедиа классында университет укытучыларының монография һәм укыту әсбапларының тулы текстлы электрон копияләре белән эшләү мөмкинлеге бирелә.

Фәнни-тикшеренү бүлеге

Университетның фәнни-инновация комплексына керә:

  • 24 проблемалы һәм тармак фәнни-тикшеренү лабораториясе.
  • Хәзерге вакытта вузда 20 фәнни-педагогик мәктәп эшли.
  • Университетта 6 проблемалы фәнни-тикшеренү лабораториясе, 8 фәнни-тикшеренү лабораториясе, 2 тармак фәнни-тикшеренү лабораториясе, 3 фәнни-белем бирү лабораториясе, «Чувашия» фәнни-технологик паркы, югары технологияләр, яңа материаллар, ресурслар һәм энергия саклау фәнни-белем бирү һәм инновация комплексы эшли.
  • Университетта «Нанотехнологияләр өлкәсендә күмәк куллану үзәге» гамәлдә.

Музейлар

  • А. А. Кокель исемендәге сәнгать музее
  • И. Н. Ульянов һәм И. Я. Яковлев музее

Мәдәният сарае

Университетның мәдәният сарае бар.

Нәшрият

Университетның үз нәшрияты бар, анда «Ульяновец» газетасы, әлеге университет һәм Россиянең башка вузлары укытучыларының китап һәм брошюралары басыла.

Шифаханә-профилакторий

Университетның шифаханә-профилакторие бар.

Университетның мәгълүмат сәясәте

«Вестник Чувашского университета»

1995 елдан башлап, университетта ике серия буенча «Вестник Чувашского университета» фәнни журналы нәшер ителә:

  • гуманитар фәннәр (тарих, фәлсәфә, юриспруденция, икътисад, лингвистика, әдәбият белеме, журналистика, педагогика, психология һ. б.);
  • табигать һәм техник фәннәр (медицина, география, математика, информатика, физика, химия, электротехника һәм электроэнергетика, системалар теориясе, машина төзү, идарәнең автоматлаштырылган системалары һ. б.).

2001 елдан журнал Россия Федерациясендә чыгучы рецензияләнүче әйдәүче фәнни басмалар исемлегенә кертелгән.

Вуз газеталары

Университетта көндәлек «Ульяновец», шулай ук «Вести Альма-матер» газеталары чыгарыла.

Сайт һәм Интернет-сервислар

ChuvSU.ru домен зонасы Чуаш дәүләт университетының интернет-сервисларын таныту һәм эшләтү өчен куланылучы икенче һәм өченче буын домен исемнәрен кертә. ChuvSU.ru беренче мәртәбә 1998 елның 13 маенда теркәлү узган[6]. Хәзерге вакытта ChuvSU.ru домен исеме Чуаш дәүләт университетына теркәлгән[7].

Мәгълүмат сервислары университетның веб-сайтлары аша белешмәләр һәм яңалыклар хезмәте күрсәтү белән бәйле. Университетның веб-сайтлар системасына: www.ChuvSU.ru порталы, ChuvSU.ru фәнни-техник электрон китапханә сайты, Library.ChuvSU.ru фәнни китапханә сайты, факультет сайтлары, филиаллар һәм башка структур бүлекчәләр сайтлары керә.

Студентлар

Студентларның составы

Университетта РФнең 40 субъектыннан, шулай ук АКШ, Көнбатыш Европа, Якын Көнчыгыш, Көньяк-Көнчыгыш Азия, Африка, Латин Америкасы илләреннән килеп укый. 2015 елга университет дипломын 30 илдән 446 чит ил гражданы 17 белгечлек буенча алган.

2015-2016 уку елында Азия, Африка, Европаның 40 иленнән һәм БДБның 8 иленнән 600 чит ил ватандашы 14 факультетта 20 белгечлек һәм 15 юнәлеш буенча белем ала.

Ректор А. Ю. Александров 2014 елда вузны тәмамлаучылар белән

Студент оешмалары

Студентларның фәнни-техник иҗатына ярдәм итү максатында «Студентларның фәнни җәмгыяте» (рус. СНО) булдырылган.

Студентлар үзидарәсен «Студентлар советы» тормышка ашыра. «Студентлар советы» рәисе университетның гыйльми шурасы составына керә.

Студентларның социаль хокуларын яклау белән 1970 елның 23 гыйнварында булдырылган «Студентларның һөнәри берлек оешмасы» шөгыльләнә, аның вазифасына вуз шифаханәсенә, башка сәламәтләндерү оешмаларына юлламалар бирү, экскурсияләр оештыру да керә. Һөнәри берлек оешмасы (профсоюз) рәисе шулай ук университетның гыйльми шурасы составына керә.

Студентлар өчен чаралар

«Мисс ЧГУ» матурлык конкурсы, «Суперстудент» конкурсы, факультетара КВН, «Студентлар язы» фестивале, «Татьяна университета» факультетара конкурсы, «Хезмәткәрләрнең туган көннәре».

Университетны тәмамлаучылар

Символика

Гимн

Университет гимнының чуаш һәм рус телендәге вариантларының авторы шагыйрь Анатолий Смолин, музыкасын Петр Фёдоров язган[8].

Әдәбият

  • Учёные Чувашского университета (1967—1992). — Чебоксары, 1992.
  • Кто есть кто: учёные Чувашского государственного университета имени И. Н. Ульянова. — Чебоксары, 2002.
  • Чувашский государственный университет имени И. Н. Ульянова: 40 лет. — Чебоксары, 2007.

Сылтамалар

Искәрмәләр

  1. ↑ Юридик шәхесләрнең бердәм дәүләт реестры
  2. ↑ https://apps.db.ripe.net/search/lookup.html?source=ripe&key=2001:6d0:fff8::/48&type=inet6num
  3. ↑ Большая российская энциклопедия : [в 35 т.] / гл. ред. Юрий Осипов. — М., 2004—2017.
  4. ↑ Развитие социальной сферы Чувашского госуниверситета 2007 елның 2 сентябрь көнендә архивланган. // www.chuvsu.ru
  5. ↑ История Научной библиотеки Чувашского государственного университета
  6. ↑ About Чувашский государственный университет (chuvsu.ru): Информация об университете, чувашские интернет-ресурсы. 2019 елның 7 декабрь көнендә архивланган. Информация от Alexa Internet
  7. ↑ WHOIS-сервис Технического центра домена RU, archived from the original on 2006-08-22, retrieved 2020-12-01 
  8. ↑ Гимн | Чувашский государственный университет имени И.Н. Ульянова. www.chuvsu.ru. 2017-06-25 тикшерелгән.
Бу мәкалә Татар Википедиясенең сайланган мәкаләләр рәтенә керә.

Read other articles:

Elang Mahkota Teknologi

PT Elang Mahkota Teknologi TbkSCTV Tower, Senayan City di JakartaNama dagangEmtekSebelumnyaPT Elang Mahkota Komputer (1983—1997)JenisPublikKode emitenIDX: EMTKIndustri Media Telekomunikasi Properti Yayasan Didirikan3 Agustus 1983; 40 tahun lalu (1983-08-03) di Jakarta, IndonesiaPendiriEddy Kusnadi SariaatmadjaKantorpusatJakarta Pusat, IndonesiaTokohkunci Eddy Kusnadi Sariaatmadja (Presiden Komisaris)[1] Alvin Widarta Sariaatmadja(Direktur Utama)[1] Pendapatan Rp15,524&#...

 

Saya Hiyama

Artikel ini sebatang kara, artinya tidak ada artikel lain yang memiliki pranala balik ke halaman ini.Bantulah menambah pranala ke artikel ini dari artikel yang berhubungan atau coba peralatan pencari pranala.Tag ini diberikan pada Februari 2023. Saya HiyamaNama asal檜山沙耶Lahir27 Oktober 1993 (umur 30)Mito, Ibaraki, JepangPekerjaanpembawa acaraTahun aktif2018-sekarangTinggi166 cm (5 ft 5 in)[1] Saya Hiyama (檜山沙耶code: ja is deprecated , Hiyama...

 

Isaak

Isaak, Izaäk, Isaac en andere spellingvarianten kunnen verwijzen naar: Isaak (aartsvader) of Izak, Bijbels persoon Isaak (voornaam), een jongensnaam Isaäk I Komnenos, keizer van Byzantium (1057-1059) Isaäk II Angelos, keizer van Byzantium (1185-1195, 1203-1204) Isaak van Jeruzalem, patriarch van Jeruzalem (601-609) Isaak van Alexandrië, Koptisch patriarch (688-689) Isaac Newton, Engels geleerde (1643-1727) Isak Dinesen, een pseudoniem van de Deense schrijfster Karen Blixen Isaac Asimov, A...

شمشون (شخصية)

  لمعانٍ أخرى، طالع شمشون (توضيح). شمشون معلومات شخصية اسم الولادة (بالإنجليزية: Sheldon James Plankton)‏  الميلاد 30 نوفمبر 1942 (81 سنة)[1]  قاع الهامور[1]  الإقامة دلو الصداقة  [لغات أخرى]‏  الزوجة كارن  [لغات أخرى]‏  الحياة العملية شخصية سبونج بوب سك

 

Hinata Station

Railway station in Motosu, Gifu Prefecture, Japan Hinata Station日当駅Hinata Station in May 2005General informationLocationHinata, Motosu-shi, Gifu-ken 501-1231JapanCoordinates35°34′56.48″N 136°37′53.09″E / 35.5823556°N 136.6314139°E / 35.5823556; 136.6314139Operated by Tarumi RailwayLine(s)■ Tarumi LineDistance28.3 km from ŌgakiPlatforms1 side platformTracks1Other informationStatusUnstaffedWebsiteOfficial website (in Japanese)HistoryOpenedMarch 25, 1...

 

Amarnath Jha

Amarnath Jha5th Vice-Chancellor of Banaras Hindu UniversityIn office27 February 1948 – 5 December 1948Appointed byLord MountbattenPreceded bySir Sarvepalli RadhakrishnanSucceeded byPandit Govind Malaviya Personal detailsAwardsPadma Bhushan Amaranatha Jha (25 February 1897 – 2 September 1955) was the Vice Chancellor (VC) of the University of Allahabad and the Banaras Hindu University.[1][2][3] He was the son of Mahamahopadhyay Dr. Sir Ganganath Jha, a g...

MERLIN

For other uses, see Merlin (disambiguation). Observatorye-MERLINA map showing the locations of the antennas used in MERLINAlternative namesMERLIN OrganizationJodrell Bank ObservatoryUniversity of Manchester LocationEnglandWebsitewww.e-merlin.ac.uk TelescopesCambridge MERLIN telescopeDefford telescopeKnockin telescopePickmere telescopeLovell TelescopeMark II   Related media on Commons[edit on Wikidata] The Multi-Element Radio Linked Interferometer Network (MERLIN) is an...

 

ديك مورلي

هذه المقالة يتيمة إذ تصل إليها مقالات أخرى قليلة جدًا. فضلًا، ساعد بإضافة وصلة إليها في مقالات متعلقة بها. (أبريل 2019) ديك مورلي معلومات شخصية الميلاد 1 ديسمبر 1932[1]  كلينتون[1]  الوفاة 17 أكتوبر 2017 (84 سنة)   نيوهامبشير  مواطنة الولايات المتحدة  الحياة العملية...

 

Perpecahan Tiongkok-Albania

Peta yang menggambarkan letak Albania dan Tiongkok Perpecahan Tiongkok-Albania adalah memburuknya hubungan secara bertahap antara Republik Sosialis Rakyat Albania dan Republik Rakyat Tiongkok pada periode tahun 1972-1978. Kedua negara telah saling mendukung dalam perpecahan Soviet-Albania dan Tiongkok-Soviet, bersama-sama menyatakan perlunya mempertahankan Marxisme-Leninisme melawan apa yang mereka anggap sebagai revisionisme Soviet dalam gerakan komunis internasional. Namun, pada awal tahun ...

Dil Nawaz

Pakistani television series Dil NawazGenreSupernatural/RomanceWritten bySyed Nabeel Abdul Rafay Chandio Directed byNajaf BillgramiStarringNeelam Muneer Wahaj Ali Minal KhanCountry of originPakistanOriginal languageUrduNo. of seasons1No. of episodes26ProductionProducerAijaz AslamProduction locationPakistanRunning timeApprox. 40 minutesOriginal releaseNetworkA-Plus TVRelease18 September 2017 (2017-09-18) –5 March 2018 (2018-03-05) Dilnawaz is a 2017 Pakistani supernatural roman...

 

Invisible Cinema

2008 studio album by Aaron ParksInvisible CinemaStudio album by Aaron ParksReleasedAugust 19, 2008RecordedJanuary 20–22, 2008StudioBrooklyn RecordingLabelBlue Note RecordsProducerAaron Parks & Michele LocatelliAaron Parks chronology Shadows(2002) Invisible Cinema(2008) Alive in Japan(2013) Professional ratingsReview scoresSourceRatingAllmusic[1]The Times[2] Invisible Cinema is an album by jazz pianist and composer Aaron Parks, that was released on the Blue Note l...

 

Regimiento de Infantería N.º 19 Colchagua

Regimiento Colchagua Batallón Colchagua (Guerra del Pacífico) Regimiento Colchagua sobre el Puente Lurín, en vísperas de la Batalla de ChorrillosPaís ChileRama/s EjércitoTipo InfanteríaAlto mandoComandantesnotables Rafael de la Rosa, José Manuel Soffia Otaegui, José Antonio VillagránGuerras y batallas Batalla de Buin, Batalla de Portada de Guías, Batalla de Yungay, Batalla de Chorrillos, Batalla de Miraflores[editar datos en Wikidata] El Regimiento N.º 19 «Colchagu...

Vanessa Wood

American engineer and professor This article is about an American engineer. For the Australian science writer with a similar name, see Vanessa Woods. Vanessa Claire WoodWood at the World Economic Forum in 2021Born (1983-02-25) February 25, 1983 (age 40)Alma materYale University Massachusetts Institute of TechnologyScientific careerInstitutionsETH Zurich Massachusetts Institute of TechnologyThesisElectrical excitation of colloidally synthesized quantum dots in metal oxide structures ...

 

Slab serif

Type of serif typeface For the 1956 typeface, see Egyptienne (typeface). Slab-serif type on the heading of a Chartist poster, 1848. Some headings and the lower passage are in Didone type, but much body text is slab serif. In typography, a slab serif (also called mechanistic, square serif, antique or Egyptian) typeface is a type of serif typeface characterized by thick, block-like serifs.[1][2] Serif terminals may be either blunt and angular (Rockwell), or rounded (Courier). Sl...

 

Jalur kereta api Purwosari–Wonogiri–Baturetno

Jalur kereta api Purwosari–Wonogiri–BaturetnoKonvoi militer di jalur kereta api Purwosari-Wonogiri–BaturetnoIkhtisarJenisJalur lintas cabangSistemJalur kereta api rel ringanStatusBeroperasi (segmen Purwosari–Wonogiri) Tidak Beroperasi (segmen Wonogiri - Baturetno)LokasiKota Surakarta, Kabupaten Sukoharjo, dan Kabupaten Wonogiri, Jawa TengahTerminusPurwosariWonogiriStasiun26OperasiDibangun olehSolosche Tramweg MaatschappijNederlands-Indische Spoorweg MaatschappijDibuka1892-1922PemilikD...

2005 Cincinnati mayoral election

Mayoral elections in Cincinnati 2005 Cincinnati mayoral election ← 2001 November 8, 2005 2009 →   Candidate Mark Mallory David A. Pepper Party Nonpartisan Nonpartisan Popular vote 37,206 34,268 Percentage 52.06% 47.94% Mayor before election Charlie Luken Democratic Elected Mayor Mark Mallory Democratic Elections in Ohio Federal government U.S. President 1804 1808 1812 1816 1820 1824 1828 1832 1836 1840 1844 1848 1852 1856 1860 1864 1868 1872 1876 1880 1884 1888...

 

St. James Canadians

Manitoba former ice hockey team This article does not cite any sources. Please help improve this article by adding citations to reliable sources. Unsourced material may be challenged and removed.Find sources: St. James Canadians – news · newspapers · books · scholar · JSTOR (January 2023) (Learn how and when to remove this template message) For the St. James Canadians (1936–1945), see St. Boniface Canadiens. St. James CanadiansCityWinnipeg, ManitobaL...

 

JT Money

Questa voce sugli argomenti rapper e cantanti statunitensi è solo un abbozzo. Contribuisci a migliorarla secondo le convenzioni di Wikipedia. Segui i suggerimenti del progetto di riferimento. JT Money Nazionalità Stati Uniti GenereHip hopHip hop Periodo di attività musicale1990 – in attività EtichettaPriority RecordsSkyywalker Records Album pubblicati4 Studio4 Modifica dati su Wikidata · Manuale JT Money, pseudonimo di Jeff Tompkins (...), è un rapper...

Mamata Banerjee

Chief Minister of West Bengal, India since 2011 Mamata redirects here. For other uses, see Mamata (disambiguation). Mamata BanerjeeOfficial portrait, 20158th Chief Minister of West BengalIncumbentAssumed office 20 May 2011 (2011-05-20)GovernorM. K. NarayananD. Y. PatilKeshari Nath TripathiJagdeep DhankharLa. GanesanC. V. Ananda BoseCabinetBanerjee ministry - IIIBanerjee ministry - IIBanerjee ministry - IPreceded byBuddhadeb Bhattacharjee Additional ministries IncumbentAssum...

 

田川勝雄

この記事の主題はウィキペディアにおける独立記事作成の目安を満たしていないおそれがあります。目安に適合することを証明するために、記事の主題についての信頼できる二次資料を求めています。なお、適合することが証明できない場合には、記事は統合されるか、リダイレクトに置き換えられるか、さもなくば削除される可能性があります。出典検索?: 田川勝...

 

Strategi Solo vs Squad di Free Fire: Cara Menang Mudah!