Википедиядә
Петров фамилияле башка кешеләр турында мәкаләләр дә бар.
Сергей Викторович Петров (1971 елның 15 июне, Казан) — Россия медиаменеджеры һәм җәмәгать эшлеклесе. Дәүләт Думасының мәгълүмат сәясәте, мәгълүмати технологияләр һәм элемтә буенча комитеты эксперт советы әгъзасы[1].
Тормыш юлы
Сергей Петров 1971 елның 15 июнендә Казанда туа. 1994 елда «оптик һәм оптик-электрон приборлар төзү» белгечлеге буенча А. Н. Туполев исемендәге Казан авиация институтын тәмамлаган, аңа «оптик-конструктор инженеры» квалификациясе бирелгән[2].
1995 елда Сергей Петров Казанда «СТС» каналын («6 канал») генераль директор вазыйфасында җитәкләп, «СТС Медиа» структураларында эшли башлый. Алга таба эзлекле рәвештә яңа станцияләр һәм өстенлекле станцияләрне үстерү департаменты директоры, челтәрне үстерү һәм тышкы элемтәләр департаменты директоры һәм СТС сату департаменты директоры позицияләрен били[3].
2002 елдан 2006 елга кадәр Петров СТС генераль директоры урынбасары урынын биләгән, 2005 елдан аны «Домашний» телеканалы генераль директоры урынбасары позициясе белән бергә алып барган. 2006 елда ул «СТС-Регион» һәм «Марафон-ТВ» компанияләрен җитәкли. Аның җитәкчелегендә «СТС-Регион» тапшырулар челтәрен 30дан 100 шәһәргәгә кадәр киңәйтә. 2008 елда «СТС Медиа» холдингы генераль директорының төбәк үсеше буенча урынбасары була. 2012 елның сентябреннән ул БДБ илләрендә тапшырулар һәм «СТС Медиа» каналларының халыкара версияләрен үстерү өчен җавап бирә башлый.
2017 елның декабрендә Сергей Петров «Бианк-медиа» ҖЧҖнең 49,5% ын сатып алып, берничә тематик телеканал милектәше була[4].
2017 елның 5 декабрендә Сергей Петров «Интернетны үстерү институты» АКБО генераль директоры итеп билгеләнә[5].
Дәүләт Думасының мәгълүмат сәясәте, мәгълүмати технологияләр һәм элемтә буенча комитеты эксперт советы әгъзасы, Цифрлы икътисадны үстерү советына (2018 елның 1 августыннан)[6], шулай ук Федерация Советы каршындагы Гаилә һәм балаларны яклау өлкәсендә дәүләт сәясәтен гамәлгә ашыру советына керә[7].
Искәрмәләр
- ↑ Члены РАЭК вошли в состав экспертного совета Комитета Государственной Думы по информационной политике, информационным технологиям и связи. РАЭК (2016-12-12).
- ↑ Сергей Викторович Петров. АНО «Координационный центр национального домена сети Интернет». әлеге чыганактан 2019-02-28 архивланды. 2022-01-31 тикшерелгән.
- ↑ Сергей Петров покидает СТС Медиа ради комитета по телеизмерениям. Sostav.ru (2016-12-22).
- ↑ Ксения Болецкая (2018-03-06). Сергей Петров стал совладельцем радиостанции «Искатель». Ведомости.
- ↑ Герман Клименко ушел с поста главы совета Института развития интернета. РБК (2017-12-04).
- ↑ Совет по развитию цифровой экономики при Совете Федерации Федерального Собрания Российской Федерации — Состав. Совет Федерации Федерального Собрания Российской Федерации.
- ↑ Указ Президента РФ от 19 ноября 2018 г. № 662 “О Совете при Президенте Российской Федерации по реализации государственной политики в сфере защиты семьи и детей”. Гарант.ру.
