Şotlandiä funtı (skots Pund Scots, ingl. Pound Scots) — XII—XVIII ğasırlarda Şotlandiä aqça berämlege[en]. Xäzerge waqıtta çığarılğan Şotlandiä bankları banknotaları şulay uq qayvaqıt «Şotlandiä funtları» dip atala.
Bäysez Şotlandiä aqça berämlege
Şotlandiä täñkälären patşa I David[en] (1124—1153 yıllarda idärä itkän) waqıtında yasıy başlağannar. Başta sterliñ[en] probasınıñ täñkäläre yasalğan, alarnıñ zurlığı häm awırlığı Angliä täñkälärenä turı kilgän. Şotlandiä funtı, sterliñ funtı kebek ük, 20 şilliñ häm 240 penstan torğan.
Aqrınlap, Şotlandiä täñkäläreneñ probası kimü belän bergä, Şotlandiä funtınıñ Sterliñ funtına bäyäse kimägän. 1603 yılda, Şotlandiä patşası VI Ceyms[en] Angliä patşası bulğaç, kurs terkälgän: 1 Sterliñ funtı = 12 Şotlandiä funtı. 1707 yılda, Uniä turında akt qabul itelgäç häm berdäm däwlät barlıqqa kilgäç, Şotlandiä funtı äyläneştän alınğan.
Şotlandiä banklarınıñ banknotaları
Şotlandiä möstäqil däwlät bulmasa da, ä Böyekbritaniäneñ öleşe bulsa da, öç Şotlandiä bankı[d] üz banknotaların çığarırğa xoquqlı. Räsmi räweştä bu banknotalar «Şotlandiä funtları» isemen yörtmi, alarnıñ nominalı sterliñ funtında bilgelängän. Bu banknotalar qanunlı valüta bulsa da, «qanunlı tüläw çarası[en]» (ingl. Legal Tender) terminınıñ tögäl mäğnäsendä Şotlandiä bankları banknotaları xätta Şotlandiä territoriäsendä dä qanunlı tüläw çarası tügel, ämmä Berläşkän Patşalıqnıñ böten territoriäsendä qabul itelergä mömkin[1][2].
İskärmälär
Sıltamalar
