Soufflé

Ang soufflé o suple ay isang putahe ng inihurnong itlog na nagmula sa Pransiya noong unang bahagi ng ika-18 siglo. Pinagsasama sa iba pang mga sangkap, maaari

Soufflé
Soufflé
Soufflé au fromage o supleng keso
UriDe-itlog
LugarPransiya
Pangunahing SangkapPula at puti ng itlog

Ang soufflé o suple ay isang putahe ng inihurnong itlog na nagmula sa Pransiya noong unang bahagi ng ika-18 siglo. Pinagsasama sa iba pang mga sangkap, maaari itong ihain bilang malinamnam na ulam o matamis na panghimagas. Ang salitang soufflé ay ang nagdaang partisipyo ng souffler, isang pandiwa sa Pranses, na ang ibig sabihin ay humiphip, huminga o magpapintog.[1][2][3]

Kasaysayan

Ipinapalagay na si Vincent La Chapelle, isang Pranses na maestrong kusinero, ang unang nagbanggit ng soufflé noong unang bahagi ng ikalabingwalong siglo.[1] Karaniwang natutunton ang paglinang at pagsikat ng suple sa Pransesang kusinera Marie-Antoine Carême noong unang bahagi ng ikalabinsiyam na siglo.[4][5]

Sangkap at paghahanda

Tipikal na inihahanda ang mga suple mula sa dalawang pangunahing sangkap:

  1. isang pinalasang crème pâtissière (kastard),[6] sarsang krema o besamela,[6] o purée[2][6] bilang saligan
  2. mga puti ng itlog na binati hanggang may malambot na tuktok[2]

Saligan ang nagpapalasa, at responsable ang puti ng itlog sa pagkaumbok ng putahe.[1][2] Kabilang sa mga pagkaing sinasahog para mabigyan ng lasa ang saligan ang mga yerba, keso at gulay[1] para sa mga supleng malinamnam; at halaya,[7] prutas,[8] beri,[9] tsokolate,[10] saging[11] at limon[12] para sa mga supleng panghimagas.

Karaniwang inihuhurno ang suple sa ramekin o suplehan: ang mga ito ay makintab, bilog at porselanang lalagyan na may ilalim na patag at walang kintab, mga gilid na patayo o halos patayo at inukit na gilid sa labas. Maaaring pahiran ang ramekin, o iba pang lalagyang panghurno, ng kaunting mantikilya para hindi dumikit ang suple.[6] Minsan binubudburan din ang ramekin ng asukal, mumo, o kinayod na keso tulad ng parmesano bukod sa mantikilya; pinaniniwalaan ng ilang kusinero na nakatutulong ito sa pag-alsa ng suple.[6]

Kapag naihurno na, maalsa at buhaghag ang suple,[2] at karaniwan itong babagsak pagkatapos ng 5 o 10 minuto (kagaya ng umalsang masa). Maaari itong buhusan sa ibabaw ng sarsa, tulad ng matamis na sarsang panghimagas,[13][14][15] o ipares sa sorbetes.[16] Kapag naihain, maaaring butasan ang ibabaw ng suple gamit ang kubyertos upang maihati ito sa mga pirasong pang-indibidwal.[15]

Mga sanggunian

  1. ↑ 1.0 1.1 1.2 1.3 Peterson, J. (2012). Glorious French Food: A Fresh Approach to the Classics [Maluwalhating Pagkaing Pranses: Isang Makabagong Diskarte sa mga Klasiko] (sa wikang Ingles). Houghton Mifflin Harcourt. pp. 130–132. ISBN 978-0-544-18655-2.
  2. ↑ 2.0 2.1 2.2 2.3 2.4 Taylor, Carol (March 1988). "How to Make a Soufflé" [Paano Gumawa ng Suple]. Mother Earth News (sa wikang Ingles). Nakuha noong 17 August 2015.
  3. ↑ "Soufflet". cnrtl.fr. Nakuha noong 18 Agosto 2015.
  4. ↑ Wells, Patricia (22 Pebrero 1978). "Perfect Souffles Don't Require Expert Skills" [Perpektong Souffle, Hindi Kailangan ng Eksperto]. The Eagle (sa wikang Ingles). p. 26 – sa pamamagitan ni/ng Newspapers.com. Padron:Open access
  5. ↑ Mallet, Gina (2004). Last Chance to Eat: The Fate of Taste in a Fast Food World [Huling Pagkakataon na Kumain: Ang Kapalaran ng Lasa sa Mundo ng Pangmadaliang Pagkain] (sa wikang Ingles). W. W. Norton & Company. pp. 52–54. ISBN 9780393058413.
  6. ↑ 6.0 6.1 6.2 6.3 6.4 Cloake, Felicity (15 Setyembre 2011). "How to cook perfect cheese soufflé" [Paano gumawa ng perpektong supleng keso]. The Guardian (sa wikang Ingles). Nakuha noong 17 Agosto 2015.
  7. ↑ McCoy, J. (2009). Healthy Meals for Less [Malusog na Pagkain na Mas Mura] (sa wikang Ingles). Baker Publishing Group. p. 231. ISBN 978-1-4412-1087-6.
  8. ↑ Beard, J. (2015). The James Beard Cookbook [Ang Panlutong Aklat ni James Beard] (sa wikang Ingles). Open Road Media. p. 356. ISBN 978-1-5040-0449-7.
  9. ↑ Brownlee, H.; Caruso, M. (2007). The Low-Carb Gourmet: A Cookbook for Hungry Dieters [Primerang Pagkain na Low-Carb: Isang Panlutong Aklat para sa Mga Gutom na Nagdidiyeta] (sa wikang Ingles). Random House Publishing Group. p. 73. ISBN 978-0-307-41721-3.
  10. ↑ Rombauer, I.S.; Becker, M.R.; Becker, E.; Guarnaschelli, M. (1997). Joy of Cooking [Kasiyahan sa Pagluluto] (sa wikang Ingles). Scribner. p. 1033. ISBN 978-0-684-81870-2. Nakuha noong 17 Agosto 2015.
  11. ↑ Pellaprat, H.P.; Tower, J. (2012). The Great Book of French Cuisine [Ang Dakilang Aklat ng Lutuing Pranses] (sa wikang Ingles). Vendome Press. p. 1383. ISBN 978-0-86565-279-8.
  12. ↑ Zuckerman, K.; Rupp, T. (2009). The Sweet Life: Desserts from Chanterelle [Ang Matamis na Buhay: Mga Panghimagas mula sa Chanterelle] (sa wikang Ingles). Little, Brown. p. 170. ISBN 978-0-316-07033-1.
  13. ↑ Waldo, M. (1990). The Soufflé Cookbook [Ang Panlutong Aklat ng Suple] (sa wikang Ingles). Dover Publications. p. 225. ISBN 978-0-486-26416-5.
  14. ↑ "Shivi Ramoutar's coconut soufflé with rum sauce" [Supleng buko ni Shivi Ramoutar na may sarsang rum]. Metro (sa wikang Ingles). 1 Hulyo 2013. Nakuha noong 17 Agosto 2015.
  15. ↑ 15.0 15.1 Child, J.; Bertholle, L.; Beck, S. (2011). Mastering the Art of French Cooking [Pagmamaestro ng Sining ng Lutong Pranses] (sa wikang Ingles). Knopf Doubleday Publishing Group. p. 331. ISBN 978-0-307-95817-4.
  16. ↑ "Orange and Grand Mariner Soufflé" [Supleng Kahel at Grand Mariner] (sa wikang Ingles). Inarkibo mula sa orihinal noong 9 Marso 2019. Nakuha noong 15 April 2017.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.