Perplexity AI

Perplexity AI, Inc.

Homepage ng Perplexity AI
Pangalang pangnegosyo	Perplexity
Uri	Pribadong kompanya
Industriya	Intelihensiyang Artipisyal, search engine
Itinatag	Agosto 2022
Mga tagapagtatag	Aravind Srinivas, Denis Yarats, Johnny Ho, Andy Konwinski
Punong-tanggapan	San Francisco, California, Estados Unidos
Produkto	Perplexity Perplexity Pro Perplexity Assistant Perplexity Computer Perplexity Comet
Dami ng empleyado	52 (2024)
Websayt	perplexity.ai

Ang Perplexity AI, Inc. (o Perplexity) ay isang Amerikanong pribadong kompanya ng software na nag-aalok ng isang search engine na gumagamit ng artipisyal na intelihensiya upang maghanap at magbigay ng mga sagot sa mga tanong ng mga tagagamit. Ginagamit nito ang mga malalaking modelo ng wika (LLM) upang maunawaan ang mga tanong at makabuo ng mga sagot.^[1] Kasama rin sa sistema nito ang paghahanap sa web upang makakuha ng bagong impormasyon.^[2][3]

Sa halip na nagpakita lamang ang mga listahan ng mga resulta sa paghahanap, pinagsama-sama ng Perplexity ang impormasyon mula sa iba't ibang sanggunian upang makabuo ng direktang sagot. Nagbibigay ito ng mga sanggunian sa mga pinagkukunang impormasyon, kaya maaaring tingnan ng tagagamit kung saan nagmula ang mga sagot.^[2][4] Maaari rin itong magbigay ng impormasyon tungkol sa mga bagong pangyayari at iba pang nilalamang kasalukuyang makikita sa internet. Ginagamit din ang Perplexity para sa pagsasaliksik, pagsagot sa mga tanong, at paghahanap ng impormasyon sa iba't ibang paksa.^[3][4][5]

Ang Perplexity ay isa sa mga nakikipagkumpitensya sa mga tradisyonal na search engine tulad ng Google at iba pang AI chatbot.^[4][6] Lumawak ang atensiyon dito dahil sa paraan ng pagsasama nito ng AI-generated na mga sagot at web search. Ngunit, naging paksa rin ito ng ilang kontrobersiya, lalo na tungkol sa paggamit at pagkakakilanlan ng mga nilalamang nakukuha mula sa ibang website.^[6]

• ChatGPT
• Microsoft Copilot
• Claude (modelo ng wika)