హాలీ మరియా బెర్రీ (1966 ఆగస్టు 14న మరియా హాలీ బెర్రీగా జననం)[1] అమెరికన్ నటి. మాన్స్టర్స్ బాల్ (2001)లో ఆమె నటనకు గాను ఉత్తమ నటి విభాగంలో అకాడమీ పురస్కారం అందుకుంది. అకాడమీ పురస్కారం అందుకున్న ఏకైక ఆఫ్రికన్ అమెరికన్ సంతతి మహిళగా నిలిచింది.[2][3]
అకాడమీ అవార్డుతో పాటుగా 2000 దశకంలో ఎక్స్-మ్యాన్(2000)లో స్టార్మ్ పాత్ర, స్వార్డ్ఫిష్ (2001), గోతికా (2003) లాంటి థ్రిల్లర్లలో పాత్రలు, గూఢచారి తరహా సినిమా డై అనదర్ డే (2002)లో బాండ్ గర్ల్ జింక్స్ పాత్ర వంటి మంచి అవకాశాలు పొందింది. ఎక్స్-మ్యాన్ సీక్వెళ్ళు అయిన ఎక్స్-2 (2003), ఎక్స్-మెన్: ద లాస్ట్ స్టాండ్ (2006) సినిమాల్లో కనిపించింది. 2010 దశకంలో సైన్స్ ఫిక్షన్ సినిమా క్లౌడ్ అట్లాస్ (2012), క్రైమ్ థ్రిల్లర్ ద కాల్ (2013), ఎక్స్-మెన్: డేస్ ఆఫ్ ఫ్యూచర్ పాస్ట్ (2014), యాక్షన్ సినిమాలు కింగ్స్మేన్: ద గోల్డెన్ సర్కిల్ (2017), జాన్ విక్: చాప్టర్ 3 - పారాబెలమ్ (2019) వంటి సినిమాల్లో చేసింది.
2000 దశకంలో హాలీవుడ్లో బెర్రీ అత్యధిక పారితోషకం అందుకున్న నటీమణుల్లో ఒకామె. అంతేకాక తాను నటించిన పలు సినిమాల నిర్మాణంలో భాగమైంది. రెవలాన్ కంపెనీకి స్పోక్స్ మోడల్గా పనిచేసింది.[4] మొదట డేవిడ్ జస్టిస్ అన్న బేస్బాల్ ఆటగాణ్ణి,[5] తర్వాత గాయకుడు-గేయ రచయిత ఎరిక్ బెనేట్ని,[6] ఆపైన నటుడు ఓలివియర్ మార్టినెజ్ని పెళ్ళిచేసుకుంది.[7] ఆమె బాయ్ఫ్రెండ్ మోడల్ గాబ్రియెల్ ఆబ్రేతో ఒక అమ్మాయిని,[8] మూడవ భర్త మార్టినెజ్తో ఒక కొడుకుని కన్నది.[9]
2019 వరకు ఒక అకాడమీ అవార్డు (మాన్స్టర్స్ బాల్), ఎమ్మీ అవార్డు- ప్రైమ్టైమ్, గోల్డెన్ గ్లోబ్ అవార్డు (ఇంట్రొడ్యూసింగ్ డొరోతీ డాన్డ్రిడ్జ్), రెండు సిల్వర్ యాక్టర్స్ గిల్డ్ పురస్కారాలు (ఇంట్రొడ్యూసింగ్ డొరోతీ డాన్డ్రిడ్జ్, మాన్స్టర్స్ బాల్) అందుకుంది. ఈ పురస్కారాలన్నీ 2001లో చేసిన మాన్స్టర్స్ బాల్ సినిమాలోనూ, 1999లో చేసిన ఇంట్రొడ్యూసింగ్ డొరోతీ డాన్డ్రిడ్జ్ టెలివిజన్ ఫిల్మ్లోనూ నటనకీ లభించాయి.
↑"The Carousel of Hope Ball". Marie Claire. October 25, 2010. Archived from the original on October 15, 2013. Retrieved April 18, 2013.{{cite magazine}}: CS1 maint: bot: original URL status unknown (link)