முதலாம் ஹோர்மிஸ்டு குசான்ஷா (Hormizd I Kushanshah) தெற்காசியாவின் குசான-சாசானிய இராச்சியத்தின் புகழ்பெற்ற மன்னர் ஆவார்.[1] இவர் குசான-சாசானிய இராச்சியத்தை கிபி 275 முதல் கிபி 300 முடிய 25 ஆண்டுகள் இராச்சியத்தை ஆண்டார். இவரை இரண்டாம் பக்ரம் எனபவர் கிபி 300-இல் போரில் தோற்கடித்து ஆட்சியைக் கைப்பற்றினார்.
கீழே உள்ள சிற்பத்தில் இரண்டாம் பக்ரம் (இடது), முதலாம் ஹோர்மிஸ்டு குசான்ஷாவை (வலது) போரில் வெல்லுதல். மேல் உள்ள சிற்பத்தில் இரண்டாம் பக்ரம், உரோமானியர்களை வெல்லும் காட்சி
குசான-சாசானிய இராச்சியத்தின் மன்னரான இவரது ஆட்சிக் காலத்தில் தான் முதன்முதலாக தங்க நாணயங்கள், மன்னர்கள் உருவம் பொறித்து வெளியிடப்பட்டது. பின்னர் இவரது வம்சத்தினரும் தொடர்ந்து தங்க நாணயங்களை, தங்கள் உருவத்திற்குப் பின்பக்கத்தில் சிவனின் உருவத்தைப் பொறித்து வெளியிட்டனர்.
நாணயம்
சிவ வேடத்தில் முதலாம் ஹோர்மிஸ்டு குசான்ஷா உருவம் பொறித்த தங்க நாணயம்
காபூல் போன்ற இடகளில் தங்க நாணயச் சாலைகளை அமைத்தார். மன்னர் முதலாம் ஹோர்மிஸ்டு குசான்ஷா சொராட்டிரிய நெறியைக் கடைபிடித்தவராக இருப்பினும்,குசான் பேரரசினர் போன்று, தாம் வெளியிட்ட தங்க நாணயத்தில், தன் உருவத்தை சிவன் வடிவத்தில், கையில் சூலாயுதமும், பின்புறம் நந்தியும் இருப்பது போல் வெளியிட்டார்.
