ஸ்கைட்ரெக்ஸ் (Skytrax) ஐக்கிய இராச்சியத்தில் உள்ள ஒரு நிறுவனமாகும். இது உலகின் விமான நிலையங்கள் வழங்கும் சிறந்த சேவைகளின் தர நிர்ணய நிறுவனமாகும்.[1][2] இந்நிறுவனம் வர்த்தகப் போக்குவரத்து விமான நிலையங்கள் வழங்கும் விமானப் போக்குவரத்து வசதிகள், விமானப் பணியாளர்களின் நிறைவான அணுகுமுறை, பயணத்தின் போது பொழுதுபோக்கு போன்ற பல்வேறு விடயங்களை ஆராய்ந்து பெறப்படும் பயணிகளின் மனநிறைவுத்தன்மை அடிப்படையில், பயணிகளிடம் இருந்து பெறப்படும் தரவுகள் ஊடாகவே கணிப்பிடுகின்றது.[3][4] இவ்வாறு கணிப்பீடுகளூடாக பெறப்படும் தரவுகளின் அடிப்படையில் ஒவ்வொரு ஆண்டும் உலகின் சிறந்த விமானச் சேவையை வழங்கும் விமான நிலையத்தின் ஆய்வு அறிக்கையையும் வெளியிட்டு வருகின்றது. அத்துடன் தேர்ந்தெடுக்கும் சிறந்த விமான நிலையத்திற்கு; உலகின் சிறந்த விமான நிலையத்திற்கான விருதாக ஸ்கைட்ரெக்ஸ் விமான நிலைய விருது வழங்கப்பட்டு வருகின்றது.[5][6]
