சென்னை படகு விடுதி (Madras Boat Club) இந்தியாவின் தென்பகுதியில் ஒரு வரலாற்று முக்கியத்துவம் வாய்ந்த நகரமான சென்னை நகரில் அமைந்துள்ள பழமையான படகு மையங்களில் ஒன்றாகும்.
பின்னணி
ஆங்கிலேயர்களின் சிறு குழுவொன்று மெட்ராஸில் (தற்போது சென்னை என்று அழைக்கப்படுகிறது) 1867 இல் இந்த விடுதியை நிறுவினார்கள். இவ்விடுதி முதலில் எண்ணூரில் துவங்கப்பட்டதென பதிவுகளும் உள்ளன, மற்றும் படகோட்டும் வழிகாட்டி ஒருவருடன் சில ஆங்கிலேயர்கள் பயணிப்பது போல படங்கள் இன்னமும் விடுதியின் காப்பகங்களில் கிடைக்கின்றன. இங்கிலாந்தின் ஒரு சில படகோட்டும் மாலுமிகள் இதில் ஈடுபாடு கொண்டு, விடுதி அமைப்பதற்கான யோசனை ஒன்றை உருவாக்கினர்.
பின்னர், 1892 ஆம் ஆண்டில், விடுதி அடையார் ஆற்றின் கரையில் அதன் தற்போதைய இடத்திற்கு மாற்றப்பட்டது. 1874-75 ஆம் ஆண்டில் ஏறக்குறைய 32 படகோட்டும் உறுப்பினர்கள் மற்றும் 24 மற்ற உறுப்பினர்கள் இருந்ததாக விடுதியின் முந்தைய பதிவுகள் தெரிவிக்கின்றன.
1898 ஆம் ஆண்டில், பித்தளைப் பொத்தான்கள் மற்றும் விடுதி மோனோகிராம் அடங்கிய அடர்ந்த நீல நிற அங்கி அப்போதைய குழுவால் ஏற்றுக்கொள்ளப்பட்டது. இது அசல் வடிவமைப்பில் மாற்றம் இல்லாமல் இன்றும் பயன்படுத்தப்படுகிறது. சர்வதேச அளவிலான படகோட்டப் போட்டிகள் அந்த ஆண்டுகளில் மிகவும் வழக்கமாக நடத்தப்பட்டன, மேலும் அந்த விளையாட்டானது பரவலான செய்தி ஊடகத்தின் வழியே வெளிவந்தது. ஆரம்பப் பதிவுகளில் பெரும்பாலும் எஃப். ஹெச். வில்சன் என்பவர் அதிக போட்டிகளில் கலந்து கொண்டது தெரிய வ்ருகிறது. அவரது நுரையீரல் வலிமையே இதற்குக் காரணம்.
