ஜல் மகால்

ஜல் மகால் / நீர் அரண்மனை
அமைவிடம்	செய்ப்பூர்
ஆள்கூறுகள்	26.9537°N 75.8463°E / 26.9537; 75.8463
வகை	நன்னீர் ஏரி
வடிநிலப் பரப்பு	23.5 சகிமீ
வடிநில நாடுகள்	இந்தியா
மேற்பரப்பளவு	300 ஏக்கர்
அதிகபட்ச ஆழம்	15 அடி
குடியேற்றங்கள்	ஜெய்ப்பூர்

இரவில் ஜல் மகால் ("நீர் அரண்மனை") காட்சி

ஜல் மகால் அல்லது நீர் அரண்மனை , இந்தியாவின் இராஜஸ்தான் மாநிலத்தின் தலைநகரான செய்ப்பூர் நகரத்தின் மன் சாகர் ஏரியின் நடுவில் அமைந்த அழகிய அரண்மனை ஆகும். ஜல் மகாலை ஜெய்பூர் இராச்சிய மன்னர் இரண்டாம் ஜெய்சிங் 18ம் நூற்றாண்டில் நிறுவினார். ஜெய்ப்பூர் - தில்லி நெடுஞ்சாலையில், ஜெய்ப்பூர் நகரத்திலிருந்து 4 கிமீ தொலைவில் ஜல் மகால் உள்ளது. 300 ஏக்கர் பரப்பளவு கொண்ட மன் சாகர் ஏரியில் அமைந்த நீர் அரண்மனை, இராசபுத்திர - முகலாயக் கட்டிடக் கலையில் கட்டப்பட்டது.

சீரமைப்பிற்குப் பின் ஜல் மகால்

ஐந்து அடுக்குகள் கொண்ட ஜல் அரன்மனை சிவப்பு மணற்கல்லால் கட்டப்பட்டது. 300 ஏக்கர் பரப்பளவும், அதிக பட்சமாக 15 அடி ஆழம் கொண்ட ஏரியில் நீர் முமுமையாக நிரம்பும் போது, ஜல் மகாலின் முதல் நான்கு அடுக்குகள் நீரில் மூழ்கிவிடும். ஐந்தாம் அடுக்கு மட்டும் வெளியே காட்சியளிக்கும்.^[1]

ஏரியில் திடக்கழிவுகள் கொட்டப்படுவதால் ஏரியின் நீர் மாசடைந்தும், நீரடைப்புகளால் ஏரிக்கு வரும் நீரும் குறைந்து விட்டது. தற்போது இராஜஸ்தான் அரசு ஏரியை சுத்தப்படுத்தி வருகிறது. ^[2]

ஜெய்ப்பூரின் வடகிழக்கில் அமைந்த ஆரவல்லி மலைத்தொடர்களின் அடிவாரத்தின், 23.5 சகிமீ பரப்பு கொண்ட நிலப்பரப்பே, ஜல் மகால் ஏரியின் நீர் பிடிப்பு பகுதியாகும்.^[3] ஜல் அரண்மனையின் மேற்கூரையின் நான்கு முனைகளில் உள்ள அரை - எண்கோண வடிவ விதானங்கள் நேர்த்தியாக, அழகாக வடிவமைக்கப்பட்டுள்ளது.^[4]

படக்காட்சிகள்

• 
  சீரமைப்பிற்குப் பின் ஜல் அரண்மனை, 2011
• 
  2007ல் ஜல் மகால்
• 
  2008ல் சீரமைப்பிறகுப் பின் பிப்ரவரி, ஜல் மகால்
• 
  2008ல் ஜல் மகால்
• 
  நாகர்கோட் கோட்டையிலிருந்து ஜெய்ப்பூர் நகரம்
• 
  பகலில் ஜல் மகால்
• 
  ஆகஸ்டு, 2004ல் ஜல் மகால்.

மேற்கோள்கள்

1. "Jal Mahal gets a Rs1000 cr facelift". rediff.com. பார்க்கப்பட்ட நாள் 2009-09-12.
2. Brown, Lindsay; Amelia Thomas (2008). Rajasthan, Delhi and Agra. Lonely Planet. p. 160. பன்னாட்டுத் தரப்புத்தக எண் 1-74104-690-4. பன்னாட்டுத் தரப்புத்தக எண் 9781741046908. பார்க்கப்பட்ட நாள் 2009-09-13. {{cite book}}: |work= ignored (help)
3. "Impact of Urbanization on Urban Lake Using High Resolution Satellite Data and GIS(A Case Study of Man Sagar Lake of Jaipur, Rajasthan)" (PDF). Archived from the original (pdf) on 2017-12-01. பார்க்கப்பட்ட நாள் 2018-02-09.
4. Matane, Paulias; M. L. Ahuja (2004). India: a splendour in cultural diversity. Anmol Publications Pvt. Ltd. p. 55. பன்னாட்டுத் தரப்புத்தக எண் 81-261-1837-7. பன்னாட்டுத் தரப்புத்தக எண் 9788126118373. பார்க்கப்பட்ட நாள் 2009-09-13. {{cite book}}: |work= ignored (help)

வெளி இணைப்புகள்