Pala (Myristica fragan Haitt) téh rempah-rempah asli ti Indonesia nyaéta ti Banda jeung Maluku.[1] Pala, sumebar ka Pulo Jawa nalika Marcopolo indit ka Tiongkok ngaliwatan Pulo Jawa taun 1271 nepi taun 1295.[1] Ti harita, pala dibudidayakeun nepi ka Pulo Sumatera.[1] Pala dipikawanoh minangka rempah-rempah anu ngahasilkeun minyak atsiri, anu mangrupa bahan dasar dina indusri inuman jeung kosmetik.[1] Sacara umum mangpaat pala dicokot tina kulit watang nepi ka daging buahna.[1]
Kandungan
Kandungan tina:
1. Arilus: Minyak atsiri, minyak lemak, zat samak, jeung zat pati.[1]
2. Siki: Minyak atsiri, minyak lemak, saponin, miristisin, elemisi, énzim lipase, péktin, hars, zat samak, lémonena, jeung asam oléanolat.[1]
3. Kulit buah: Minyak atsiri jeung zat samak.[1]
Jenis
Aya sawatara rupa buah pala, nyaéta:
- Myristica fragrans Houtt,[2]
- Myristica argentea Ware,[2]
- Myristica fattua Houtt,[2]
- Myristica specioga Ware,[2]
- Myristica Sucedona BL,[2]
- Myristica malabarica Lam.[2]
Mangpaat
Siki buah pala bisa dimangpaatkeun pikeun dijadikeun ubar diséntri, maag, méncrét, ngeureunkeun utah, sebel, mules, perut kembung, insomnia, reumatik, serak, ngaringankeun nyeri, ngajaga stamina, sarta nyingkahan dehidrasi.[1][3] Salian ti dijadikeun ubar, pala ogé biasana diolah jadi manisan.
Referensi
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
|
