Kutu (basa hormat: Puntang) nyaéta insékta parasit nu teu boga jangjang nu nyedot getih sasatoan atawa manusa (saperti hayam,jeung anjing).[1] Keur manusa, kutu mangrupa insékta parasit leutik nu bisa ngeusian sirah jeung awak, kaasup daerah intim.[2] Kutu manusa hirup ku cara nyedot getih manusa. Kutu nujul kana sagala rupa artropoda leutik nepika leutik pisan.[2] Ngaran ieu digunakeun pikeun sababaraha crustacea cai leutik (saperti kutu cai), insékta (saperti kutu sirah jeung kutu daun), sarta rupa-rupa anggota Acarina (tumila jeung caplak, nu leuwih raket patalina jeung lancah daripada insékta). Sagala nu disebut "kutu" alatan ukuranana leutik. Ku kituna, harti awam istilah ieu teu boga harti taksonomi.[3]
Rupa-rupa kutu
Tilu jinis kutu nu cicing dina manusa nyaéta:[2]
- Pedicles humanus capitis (kutu sirah, kutu rambut)[2]
- Pedicles humanus corporis (kutu awak, kutu pakéan)[2]
- Ptirus pubis (kutu "keuyeup", kutu alat kelamin).[2]
Di handap ieu aya sababaraha kelompok sato nu ngagunakeun ngaran kutu:[3]
Galéri
Ieu di handap, aya sababaraha gambar pikeun némbongkeun bébéda masing-masing kutu.
-
Kutu cai Cyclops bicuspidatus bikang (kénca) jeung jalu
-
Kutu cai Daphnia
-
Kutu (flea)
-
Fahrenholzia pinnata, tuma (louse) sok aya dina beurit
-
Kutu daun (Aphid). Kutu daun sabenerna lain kutu jati, sabab leuwih deukeut siga wereng
-
Wereng Metcalfa pruinosa. Wereng kadang bisa dianggap salaku kutu
-
Psylla alni, sajenis kutu luncat. Sanajan dingaranan "kutu", kelompok ieu leuwih siga wereng
-
"Kutu" béas biasa (Tribolium confusum), nu bener na mah disebut kumbang béas atawa kumbang tipung
-
Tongo Trombidium (bintik-bintik merah) keur ngagurubugan kembang. Tongo téh lain kutu.
Rujukan
.jpg)
