Kimchi nyaéta salah sahiji kadaharan has ti Koréa.[1] Dijieun tina manngrupa-rupa sayuran kayaning engkol, lobak jeung wortel nu disamaraan ku campuran sambel korea sarta bubuk cabé nu tuluy diférméntasikeun salila mangbulan-bulan.[1]
Sajarah
Kimchi geus aya di Koréa ti abad ka - 7.[1] Kimchi miboga tilu ratus rupa, ngan resep nu turun tumurun dijieun kacatet aya ti periode Tilu Karajaan nyaéta dina taun 57-668.[1] Tapi Kimchi sorangan mimiti kasohor di Koréa dina abad ka - 12, tata cara nyieun Kimchi téh sarua.[1]
Sanggeus kasohor jeung sumebar di dunya, numutkeun salah sahiji majalah nu geus kasohor, Kimchi téh jadi sala sahiji ti lima kadaharan nu pang sehatna di dunya.[1]
Kandungan gizi
Kimchi ngandung loba nutrisi nu alus pikeun awak, kayaning vitamin jeung mineral, salian ti éta Kimchi ogé ngandung bakteri Lactic Acid nu alus pikeun pencernaan jeung nyingkahan kanker.[2] Ieu di handap kandungan gizi per 100 gram Kimchi:[2]
Inpormasi Gizi
Ukuran Porsi: 100 gram (g)
per porsi
Kilojoule
92 kj
Kalori
22 kkal
Lemak
0,32 g
Lemak Jenuh
0,047 g
Lemak tak Jenuh Ganda
0,147 g
Lemak tak Jenuh Tunggal
0,045 g
Kolesterol
0 mg
Protein
1,73 g
Karbohidrat
4,16 g
Serat
1,3 g
Gula
1,83 g
Sodium
645 mg
Kalium
258 mg
Ringkesan Gizi:
Kal
22
Lemak
0,32g
Karb
4,16g
Prot
1,73g
Kimchi (100 gram) ngandung 22 kalori.
Rincian Kalori: 11% lemak, 63% karb, 26% prot.
Rupa-rupa kimchi
Ngaran kimchi disebutkan numutkeun bahan utamana.[1] Nepi ka kiwari di Koréa geus loba rupa na. Kayaning Baechu Kimchi nu dijieun tina engkol, Kkakdugi nu dijieun tina lobak, Oi Subagi nyaéta kimchi nu dijieun tina bonténg, jeung loba kénéh lianna.[1]
