Kecap sedeng

Kecap-kecap sedeng anu nyampak dina buku tatabasa Sunda anu basana basa Walanda Soendaneesche Spraakkunst (1904) jieunan Sierk Coolsma.

Kecap sedeng (aksara Sunda baku: ᮊᮨᮎᮕ᮪ ᮞᮨᮓᮨᮀ, palapalan basa Sunda: [kəcap sədəŋ]) nyaéta kosakecap basa Sunda anu dipaké dina ragam basa hormat ka sorangan. Saluyu jeung pamakéannana, ieu kecap dipaké pikeun ngaajénan sakaligus ngahandapkeun diri di hareupeun lawan wicara. Baheula mah, kecap sedeng dipaké ogé pikeun ngomongkeun batur di hareupeun dunungan, hal ieu dilakukeun ku sabab pamakéan kecap lemes karasa luhur teuing jeung kecap loma karasa handap teuing.^[1] Ieu kecap sakapeung sok dipahilikeun wangenannana jeung kecap panengah.^[2]

Dina kamus-kamus atawa buku tatabasa Sunda, kecap sedeng ilaharna ditandaan ku S atawa s.^[2]

Kosakecap

Ieu di handap mangrupa conto kecap sedeng (anu dikandelan) jeung sasaruannana dina kecap loma jeung kecap lemes.^[2]

Loma	Sedeng	Lemes
balik	wangsul	mulih
bawa	bantun	candak
éra	isin	lingsem
karugrag	kanceuh	kaseuit
apal	terang	uninga
imah	rorompok	bumi
pamajikan	bojo	geureuha

Tempo ogé

• Kecap lemes pisan
• Kecap lemes
• Kecap lemes énténg
• Kecap lemes dusun

Rujukan

Catetan suku

1. Coolsma 1985, pp. 41.
2. Coolsma 1985, pp. 14.

Daptar Pabukon

• Coolsma, S (1985) [1904]. Tata bahasa Sunda. Jakarta: Djambatan. OCLC 13986971.  Unknown parameter |translator-last2= ignored (bantuan); Unknown parameter |url-status= ignored (bantuan); Unknown parameter |translator-last= ignored (bantuan); Unknown parameter |translator-first2= ignored (bantuan); Unknown parameter |translator-first= ignored (bantuan)

Tutumbu kaluar

Tempo Kategori:Kecap sedeng dina Wikikamus, kamus bébas.