Béntang laut

Granulated sea star
Chocolate Chip Sea Star
Blue sea star

Béntang laut nyaéta salasahiji sasatoan laut anu kaasup kelas Asteroidea ogé mangrupa kelompok Echinodermata.[1] Umumna kelompok Echinodermata miboga kulit anu cucukan, bentukna radial simétris, tur miboga endoskleton tina zat kapur.[1] Béntang laut bentukna unik kawas béntang di langit, leungeunna aya lima atawa genep.[2] Daya régénérasina ogé kuat, jadi upama salasahiji bagéan leungeunna aya nu potong bakal jadi deui.[2] Ieu prosés autotomi atawa jadi leungeun anyar deui téh kurang leuwih sataun lilana.[3] Awakna rélatif ipis, dina bagéan dorsalna aya madréporit jeung anus, sedeng dina bagéan véntral aya kaki ambulakral.[2] Loba anu nyebutkeun yén béntang laut teu bogaeun panon, padahal mah aya panon leutik anu kacida sénsitif kana cahaya dina leungeunna.[4] Béntang laut miboga peran anu penting dina ékosistem laut, upama béntang laut punah rantai makanan ogé bakal buntu anu akhirna ekosistem laut bakal ruksak.[5]

Habitat Béntang Laut

Réwuan jenis béntang laut sumebar di sakuliah dunya .[6] Habitat alamina nyaéta aya di daerah intertidal jeung daerah abyssal, anu jerona kurang leuwih 4000 nepi ka 6000 méter, utamana di daérah tropis Indo Pasifik.[6] Béntang laut remen kapanggih dina sela-sela batu karang anu ditinggalkeun ku sato laut séjén.[6] Dina éta batu karang ogé loba sasatoan anu jadi sumber kadaharanna.[6] Pikeun dahar, béntang laut teu ngagunakeun biwirna, tapi ngagunakeun beuteungna nyaéta kardiak jeung pilorus.[6] Kardiak gunana pikeun neleg jeung jadi alat pencernaanna, sedeng pilorus mangrupa alat pencernaan anu jadi panglengkep kardiak.[6]

Jenis sasatoan Suku Bentang Laut
Karnivora Acanthasteridae

Asteropseidae

Astropectinidae

Brisingidae

Heliasteridae

Luidiidae

Radiasteridae

Solasteridae

Zoroasteridae

Scavenger Asteropseidae

Echinasteridae

Ganeriidae

Goniasteridae

Odontasteridae

Ophidiasteridae

Oreasteridae

Pemakan Endapan Archasteridae

Benthopectinidae

Goniopectinidae

Porcellanasteridae

Omnivora Asterinidae

Odontasteridae

Poraniidae

Pterasteridae

Pemakan plankton Echinasteridae. [7]

Ciri-ciri béntang laut

Béntang laut mibanda sababaraha ciri di antarana :

  • Kaasup sasatoan invértébrata.[8]
  • Kaasup sasatoan detrivor.[3]
  • Awakna radial simétris jeung aya cucukan.[8]
  • Madréporit aya dina cakram tengah.[8]
  • Cucukna ngandung kalsium karbonat.[8]
  • Mibanda sistem pencernaan.[8]
  • Alat pernafasanna disebut selom.[8]
  • Sistem syarafna nyaéta cincin syaraf, syaraf lengan, jeung syaraf radial dina cakram.[8]
  • Gerakna ngagunakeun kaki tabung.[8]
  • Régénérasina kuat.[8]
  • Teu miboga otak jeung getih.[6]
  • Anusna aya di luhur, sedeng biwirna aya di handap.[3]
  • Kaasup sasatoan anu umurna panjang, kurang leuwih nepi ka 35 taun.[9]
  • Kecepatan gerakna 2 méter permenit.[9]

Klasifikasi Béntang Laut

Klasifikasi béntang laut dibagi jadi tujuh ordo, di antarana

  1. Forcipulatida : Ordo tina Forcipulatida anu kasohor nyaéta famili Asteridae, anu biasa disebut common starfish.[8] Jenis anu panglobana di laut, warnana konéng, coklat, jeung bungur.[8] Leungeunna lima anu di unggal tungtungna méncos.[8] Lian ti éta, mibanda ogé organ pedicellaria anu mangrupa katup nu dikurilingan ku cucuk, gunana pikeun narima rangsangan, réspon spontan, ogé organ pencernaan.[8] Conto spésiésna nyaéta Asterias rubens panjangna 10 – 30 cm.[rujukan?]
  2. Brisingida : Ordo anu mibanda 6 nepi ka 18 leungeun, panjangna 30 cm.[8] Warnana orén, konéng, jeung beureum.[8] Kaki tabungna aya réwuan, éta pisan anu ngabalukarkeun usikna leuwih gancang batan ordo nu séjén.[8] Sumebarna di Karibia jeung Selandia Baru.[8] Ieu ordo dibagi jadi dua famili nyaéta famili Brisingidae jeung famili Freyellidae. Conto spésiesna nyaéta Novodinia spp.[8]
  3. Notomyotida : Mangrupa jenis Ordo spésiés pangleutikna, ngan 75 spésiés tina 8 genus.[8] Hirup di laut nu pangjerona tur miboga leungeun anu kacida fleksibel.[8] Sumebarna di Amerika, Oregon, Texas, Perancis jeung Jerman.[8] Jenis ieu spesies anu réa kapanggih nyaéta spésiés tina genus Benthopecten.[8]
  4. Paxillosida : Ordo tina ieu béntang laut dibagi jadi lima nyaéta Astropetinidae, Goniopectinidae, Luidiidae, Porcellanasteridae, dan Radiasteridae.[8]. Ieu béntang laut biwirna rada gedé tur tungtungna nyambung jeung osikel ambulakral.[8] Conto spésiésna nyaéta Luidia magnifica, Sand star (Astropecten articulates), jeung Luidia sengalensis . [8]
  5. Spinulosida : Ordo Spinulosida miboga 120 spesies tina dua famili jeung tujuh genus.[8] Warnana beureum jeung orén, panjangna 20–30 cm.[8] Sumebarna di sapanjang laut Mediterania.[8] Conto spésiésna nyaéta Echinaster sepositus. [8]
  6. Valvatida : Ordo Valvatida miboga 695 spésiés tina 172 genus jeung 12 famili.[8] Tina ieu ordo aya béntang laut anu ukuranna leutik pisan, ngan sababaraha miliméter panjangna. Ciri hasna nyaéta ngabogaan marginal ossicles. [8] Conto spésiésna nyaéta Asterina miniata, granulated sea star (Choriaster granulatus), Pentagonaster dubeni, jeung Thromidia catalai. [8]
  7. Velatida : Ordo anu miboga 200 spésiés tina 5 famili.[8] Awakna kandel jeung cakram tengahna gedé, panjangna 0,5 cm nepi ka 3 cm.[8] Conto spesiesna nyaéta common sunstar (Crossaster papposus), purple sunstar (Solaster endeca), jeung Pteraster capensis. [8]

Jenis-jenis bentang laut

Tina sakitu lobana jenis bentang laut, aya sababaraha jenis anu kawilang unik, di antarana nyaéta :

  1. Leather star ; awakna gedé, leungeunna 5 tur kaki tabungna aya 12, kulitna lemes, jeung warnana kulawu.[10]
  2. Morning sun star ; awakna gedé, leungeunna 8 nepi ka 16, umumna 12, kulitna lemes, jeung warnana beureum, orén, kulawu atawa coklat.[10]
  3. Sunflower star ; Béntang laut anu gedé, leungeunna bisa nepi ka 24.[10]
  4. Pink short spined star ; ciri hususna nyaéta beuratna bisa 2 pon tur panjangna 2 mm.[10]
  5. Granulated sea star ; panjangna 27 cm, leungeunna kandel tur pondok.[10]
  6. Royal starfish ; ciri hususna nyaéta panjang leungeunna 2–9 cm.[10]
  7. Bat sea star ; sumebar di laut california.[10]
  8. Crown-of-thorns starfish ; miboga cucuk anu pinuh ku racun tur panjang cucukna nepi ka 35 cm.[10]
  9. Pacific Blood Star ; ukuranna ngan nepi ka 8 cm.[10]
  10. Nine-armed Sea Star ; leungeunna lalancip, diaméterna bisa nepi ka 40 cm.[10]
  11. Egyptian sea star ; awakna pinuh ku cucuk.[10]
  12. Brisingida sea star ; mibanda leuwih ti 70 spésiés.[10]
  13. Necklace Starfish ; panjang leungeunna 30 cm.[10]
  14. Giant spined star ; Béntang laut panggedéna, panjangna bisa nepi kana 48 cm.[10]
  15. Spiny cushion star ; sumebar di daérah tropis Indo-Pasifik.[10]
  16. Chocolate Chip Sea Star ; mibanda tanduk anu warnana coklat.[10]
  17. Blue sea star ; béntang laut anu pangwanina ngalawan prédator.[10]
  18. Australian southern sand star ; panjang leungeunna aya 7 tur ukuranna teu sarua.[10]
  19. Panamic cushion star  ; diaméterna 30 cm.[10]

Rujukan

  1. ↑ a b http://etheses.uin-malang.ac.id/568/6/06520030%20Bab%202.pdf
  2. ↑ a b c Fitriana, Narti (2 Juni 2010). "Inventarisasi Bintang Laut di Pantai Pulau Pari, Kepulauan Seribu". Jurnal ilmiah faktor exacta. http://journal.lppmunindra.ac.id/index.php/Faktor_Exacta/article/viewFile/21/20. 
  3. ↑ a b c "Ciri-ciri dan Fakta Mengenai Bintang Laut" (dalam bahasa en-US). Ragam Informasi. 2016-03-10. https://www.duniaq.com/ciri-ciri-dan-fakta-mengenai-bintang-laut/. Diakses pada 2018-02-03 
  4. ↑ http://digilib.unila.ac.id/20719/15/BAB%20II.pdf
  5. ↑ http://seethesea.byethost15.com/bintang-laut.htm?i=1
  6. ↑ a b c d e f g "Kehidupan Bintang Laut Makanan Habitat" (dalam bahasa en-US). ArtiCara. 2017-03-10. https://articara.net/21701/kehidupan-bintang-laut-makanan-habitat/. Diakses pada 2018-02-03 [tumbu nonaktif]
  7. ↑ http://oseanografi.lipi.go.id/dokumen/oseana_xxi(3)13-22.pdf Archived 2021-09-24 di Wayback Machine
  8. ↑ a b c d e f g h i j k l m n o p q r s t u v w x y z aa ab ac ad ae af ag ah ai "7 Klasifikasi Bintang Laut beserta Karakteristiknya - DosenBiologi.com" (dalam bahasa en-US). DosenBiologi.com. 2016-11-23. https://dosenbiologi.com/hewan/klasifikasi-bintang-laut. Diakses pada 2018-01-31 
  9. ↑ a b "Ciri-ciri dan Fakta Unik Tentang Binatang Bintang Laut" (dalam bahasa en-US). Informasi Ternak Hewan. 2017-01-11. http://www.ilmuhewan.com/ciri-ciri-dan-fakta-unik-tentang-binatang-bintang-laut/. Diakses pada 2018-02-03  Archived 2018-01-31 di Wayback Machine
  10. ↑ a b c d e f g h i j k l m n o p q r s "Nama Latin Bintang Laut Dan 19 Jenisnya Yang Aneh Dan Penuh Warna | Nama-Nama Hewan" (dalam bahasa en-US). Nama-Nama Hewan. 2017-01-24. https://majalahhewan.com/2017/01/nama-latin-bintang-laut-dan-19-jenisnya/3/. Diakses pada 2018-02-03  Archived 2017-12-27 di Wayback Machine

Strategi Solo vs Squad di Free Fire: Cara Menang Mudah!