Ékék (suku Cacatuidae) nyaéta jenis manuk hias anu mibanda bulu anu éndah kalayan sorana melengking anu lumayan tarik.[1] Spésiés ieu kaasup salah sahiji manuk anu miboga kacerdasan anu lumayan alus, ku kituna mindeng dipaké pikeun acara-acara hiburan di kebon binatang atawa tempat hiburan séjénna.[1] Spésiés ieu hirup dina jangkungna 0-1520 méter ti beungeut cai laut, biasana hirupna ngabubuhan.[1] Kakatua umumna umurna panjang, nepi ka ngahontal 60 taun sarta bisa leuwih.[1][2]
Jinis-jinis Ékék
Jenis Ékék-leutik Jambul-konéng (basa Inggris: Yellow-crested Cockatoo) biasana hirupna pasangan atawa kelompok dina jumlah leutik.[3] Pohara atra sabot hiber, kalayan mébérkeun jangjang anu gancang sarta kuat paselang ku gerakan ngalayang.[3] Lamun keur disada ti tempat nyéngcle, jambul didangahkeun tuluy ditungkulkeun.[3] Jinis ieu nyingareupan kaayaan tumpur kalayan jumlah populasi anu ngahariwangkeun salila 10-15 taun katukang, alatan loba ditaréwakan sarta dikarurungan pikeun didagangkeun, sarta ayeuna langka alatan kagiatan ieu.[3]
Habitat
Ékék cicingna di leuweung primér sarta sekundér anu luhur sarta di sisi leuweung; ogé leuweung monsun (Nusa Tenggara), leuweung anu luhur tur kékép ku rungkun, dalah rungkun anu tangkalna jarang sarta lahan budidaya anu tangkalna jarang.[3] Ti permukaan laut nepi ka jangkungna 900 m (Sulawési), 1520 m (Lombok), 1000 m (Sumbawa), 700 m (Florés), 950+ m (Sumba) sarta 500+ m (Timor).[3] sedengkeun pikeun jinis Ékék Maluku (basa Inggris: Salmon-crested Cockatoo) ilaharna hirup sorangan, sapasang sarta ngumpul sabubuhan leutik; baheula di tangkal saré sabubuhab nepi ka 16.[3] Umumna henteu negrak, kajaba dina waktu hiber ka sarta ti lokasi tangkal saré sabot soré sarta nyanghareupan fajar.[3] Sanajan kasampak hiber di luhur kanopi tapi lolobana hiber di handapeun wates kanopi.[3] Néangan dahar kalayan tenang di kanopi sarta lapisan tengah kanopi sarta mibanda sebaran lokal di daérah Seram, Ambon, Haruku sarta Saparua.[3] Ékék ieu cicing dileuweung primér sarta sekunder anu luhur, leuweung anu garah sarta hirup di luhur permukaan laut nepi ka jangkungna 1000 m.[3]
Rujukan
