Green Motion Albania Car and Van Rental është një kompani makinash me qira, e krijuar në tetor 2017. Green Motion Albania është pjesë e kompanisë angleze Green Motion Limited, me prani në mbi 30 vende të botës.
Ardhja e Green Motion në Shqipëri sjell gjithashtu konceptin e makinave ekologjike, koncept ky mjaft i nevojshëm në Shqipëri, ku emetimet e gazrave CO2 janë problem shqetësues i 20-vjeçarit të fundmë.
Në 2005, Richard Lowden, themeluesi dhe presidenti i Green Motion, reagoi ndaj nevojës globale për të ndërmarrë një veprim të mirëfilltë dhe pozitiv për të luajtur një rol në zvogëlimin e efekteve të ndryshimit të klimës dhe vendosi të krijojë atë që është tani kompania e parë në botë e cila është miqësore me mjedisin.
