Martin Johan Wallenius (7. njuhčâmáánu 1731 Paimio, Suomâ – 22. roovvâdmáánu 1773 Turku, Suomâ) lâi syemmilâš matematikkár já Tuurku akatemia matematiik professor.[1]
Eellim
Martin Johan Wallenius šoodâi njuhčâmáánu 7. peeivi 1731 Paimiost, Suomâst. Suu eeči lâi professor Johan Wallenius, já suu enni lâi Maria Gråå.[1]
Wallenius lâi naaijâm kuohtii. Vuossâmuš kálgu ive 1762 rääjist lâi Maria Helena Timm (j. 1763), já nubbe kálgu ive 1764 rääjist lâi Renata Frosterus (j. 1802). Johan Fredrik Wallenius lâi Wallenius alge nube näimilittoost.[1]
Pargo
Martin Johan Wallenius valmâštui miäštárin Tuurkust ive 1751. Sust šoodâi dooseent ive 1755, išedeijee professor ive 1756 já professor ive 1758. Suu onnii čepis máttáátteijen, kii toovâi maaŋgâid tutkâmušâid matematiik syergist.[1]
Sun vaaldij Tuurkust vuossâmužžân kiävtun infinitesimaalrekinistem já heiviittij tom geometria já mekaniik čuolmâi čuávdimân.[1]
Kirjeh
Tehálumoseh Wallenius almostitmeh láá Exercitationes miscellaneae mathematico-physicae (1757–1758) já Geometriskt försök atta mäta hörn eller solida vinklar (1763).[1]
Käldeeh
- ↑ a â b c č d Heikinheimo, Ilmari (toim.): Suomen elämäkerrasto, s. 800. Helsig: WSOY, 1955. (suomâkielân)
Jurgâlus Taat artikkâl teikkâ uási tast lii jurgâlum ereskielâlâš Wikipedia artikkâlist.
Algâalgâlâš artikkâl:
fi:Martin Johan Wallenius 
