Lu stemma di SiriaLa bannera di SiriaLa carta dâ Siria
La Siria è nu statu dû Mediu orienti di 185.180 km2 e di circa 18 miliuna d'abbitanti. E' attravirsata dû ciumi Eufrati e cunfina a Nord cu la Turchia, a est cu l'Iraq, a sud cu la Giordania, Israeli e lu Lìbbanu, e a ovest s'affaccia ntô Mari Meditirraniu. La capitali è Damascu. Autri cità mpurtanti è Aleppu, una dî cità cchiù antichi dû munnu.
La pulitica
La Siria è furmalmenti na ripùbbrica. È pirò cunsidirata nu paisi n cunflittu chî cchiossai dî sò vicini, pi la sò allianza cu l'Iran e la frangia estrimista dî mussurmani dû Libbanu. La Siria attraversa di lu 2011, câ cuminzatina dî rivuluzzioni àrabbi, na guerra civili. A diffirenza dâ Libbia, unni li rivurtusi foru appujati dî forasteri, la Siria godi pirò di l'appòju puliticu dâ Russia e dâ Cina ca chê sò vetu ô cunsigghiu di sicurezza dî Nazzioni Uniti rènnunu mpussibbili nu ntirventu militari ntirnazziunali di pacificazzioni.
Cumminzata comu na rivuluzziuni cuntru lu riggimi di Assad ntô 2011, n cunsiquenza dî moti di libbirazzioni dâ primavera àrabba, cô tempu canciuau natura pi addivintari na guerra civili ca dura nzinu ê jonra nostri e unni participanu assai fazzioni comu li tirruristi di al-Qaida cu lu Frunti al-Nusra, lu frunti notu comu modiratu dâ Coalizzioni Nazziunali Siriana cu lu su asercitu, chiddu canusciutu comu ASL.L'atri sugnu puru li rojava cumbattenti curdi dû Nord, li cumbattenti cristiani assiri, li cumbattenti dû Statu Islamicu ca vegnunu dî Iraq, e pi urtimu li cumbattenti dû riggimi comu Hezbollah, li Gruppi Spiciali e puru chiddi dû Iran.
La guerra causau già dicini di migghiara di morti e miliuna di pirsuni ca si ni àppiru a fujiri ntê campi profughi principarmenti n Turchia e Lìbbanu.
Bibbliugrafìa
(IT) Mirella Galletti, Storia della Siria contemporanea. Popoli, istituzioni e cultura, Bompiani, 2006
.svg)
.svg)
