|
|
« «Hammer to Fall parra dâ vita e dâ morti, dâ cunsapiulezza ca la morti fa parti dâ vita. Lu marteddu ca cari è sulu un sìmmulu dâ morti [Grim Reaper] chi fa lu so travagghiu!» »
|
|
|
|
Hammer to Fall è na canzuna dî Queen, scritta di Brian May e pubbricata comu terzu sìngulu nnô discu The Works dû 1984. Fu pubbricata 'n virsioni sìngulu, cu la b-side "Tear It Up", lu 10 di sittèmmiru 1984 nnô Regnu Unitu e lu 12 di uttùviru 1984 nnî Stati Uniti. La canzuna fu misa nnâ Greatest Hits II e 'n Queen Rocks. Fa parti dâ culonnna sunora dû film Highlander – l'ùrtimu immortali.
Hammer to Fall era assai bona pi l'esecuzzioni live, nfatti fu misa nnâ lista di canzuni ca lu gruppu sunau ô Live Aid ntô 1985. Lu branu si grapi câ chitarra di Brian May, accumpagnata a rìttimu dâ battirìa di Roger Taylor, pi poi dari spazziu â vuci di Freddie Mercury.
Si pinzava ca la canzuna fussi spirata a lu pirìudu dâ guerra fridda, ma doppu tanti anni Brian May spricau lu significatu da canzuna, dicennu ca la canzuna parra dâ vita e dâ morti, d'èssiri la cunuscenza dâ morti comu parti dâ vita.
La canzuna fu utilizzata nnô cuncertu dû Live Aid, doppu Bohemian Rhapsody e Radio Ga Ga e fici parti dû The Works Tour e dû Magic Tour.
Ô cuncertu dû Freddie Mercury Tribute Concert, ntô 1992, lu primu cantanti Gary Cherone cantau la canzuna cu li Queen e Tony Iommi di Black Sabbath, doppu aviri cantantu àutri canzuni dî Queen.
