ᱠᱣᱮᱴᱟ (ᱯᱟᱥᱛᱦᱚ کوټه) ᱟᱨ ᱵᱟᱝᱢᱟ ᱠᱣᱟᱴᱟ (ᱵᱟᱞᱚᱪᱤ کویته) ᱫᱚ ᱯᱟᱠᱤᱥᱛᱟᱱ ᱫᱤᱥᱚᱢ ᱨᱮᱭᱟᱜ ᱵᱟᱞᱚᱪᱤᱥᱛᱟᱱ ᱯᱚᱱᱚᱛ ᱨᱮᱭᱟᱜ ᱠᱣᱮᱴᱟ ᱦᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱢᱟᱬᱟᱝ ᱫᱚ ᱱᱚᱣᱟ ᱥᱟᱞᱠᱚᱴ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ [᱔] ᱱᱚᱣᱟ (Pashto: شالکوټ)) ᱫᱚ ᱥᱚᱵᱽᱫᱤᱵᱷ᱾ᱡᱚᱱ ᱦᱚᱸ ᱠᱟᱱᱟ ᱟᱨ ᱵᱟᱞᱚᱪᱤᱥᱛᱟ ᱨᱮᱭᱟᱜ ᱢᱟᱨᱟᱝ ᱵᱟᱡᱟᱨ ᱦᱚᱸ ᱠᱟᱱᱟ ᱾ [᱕] ᱑᱙᱓᱕ ᱥᱟᱞ ᱨᱮ ᱦᱩᱭ ᱞᱮᱱ ᱚᱛ ᱞᱟᱲᱟᱣ ᱨᱮ ᱱᱚᱣᱟ ᱵᱟᱡᱟᱨ ᱨᱮᱭᱟᱜ ᱟᱹᱰᱤ ᱜᱟᱱ ᱠᱷᱤᱛᱤ ᱦᱩᱭ ᱞᱮᱱᱟ ᱤᱠᱷᱟᱹᱱ ᱞᱚᱜᱚᱱ ᱜᱮᱠᱚ ᱵᱮᱱᱟᱣ ᱨᱩᱣᱟᱹᱲ ᱠᱮᱜ-ᱟ ᱟᱨ ᱱᱚᱰᱮ ᱱᱤᱛ ᱑,᱐᱐᱑,᱒᱐᱕ ᱡᱷᱚᱬ ᱦᱚᱲ ᱢᱮᱱᱟᱜ ᱠᱚᱣᱟ ᱢᱮᱱᱛᱮ ᱒᱐᱑᱗ ᱥᱟᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱠᱷᱚᱱ ᱵᱟᱰᱟᱭᱚᱜ-ᱟ ᱾ [᱖][᱓] ᱤᱠᱷᱟᱹᱱ ᱠᱣᱮᱴᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱒,᱒᱗᱕,᱖᱙᱙ ᱾ [᱗] ᱫᱚᱨᱭᱟ ᱠᱷᱚᱱᱟᱜ ᱠᱣᱮᱴᱟ ᱵᱟᱡᱟᱨ ᱨᱮᱭᱟᱜ ᱩᱥᱩᱞ ᱫᱚ ᱦᱩᱭᱩᱜ ᱠᱟᱱᱟ 1,680 metres (5,510 feet) ᱾ [᱘] ᱱᱚᱣᱟ ᱫᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱡᱚᱛᱚ ᱠᱷᱳᱱ ᱩᱥᱩᱞ ᱵᱟᱡᱟᱨ ᱠᱟᱱᱟ ᱾ ᱱᱚᱰᱮ ᱟᱹᱰᱤ ᱞᱮᱠᱟᱱ ᱡᱚ ᱡᱤᱱᱤᱥ ᱪᱟᱥ ᱦᱩᱭᱩᱜ ᱠᱷᱟᱹᱛᱤᱨ ᱱᱚᱣᱟ ᱫᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱡᱚ ᱵᱟᱜᱟᱱ ᱠᱚ ᱢᱮᱛᱟᱜ-ᱟ ᱾ [᱙]
ᱱᱚᱣᱟ ᱵᱟᱡᱟᱨ ᱫᱚ ᱵᱟᱞᱚᱪᱤᱥᱛᱟᱱ ᱨᱮᱭᱟᱜ ᱠᱚᱧᱮ ᱱᱟᱠᱷᱟ ᱨᱮ, ᱯᱟᱠᱤᱥᱛᱟᱱ- ᱟᱯᱷᱜᱟᱱᱤᱥᱛᱟᱱ ᱥᱤᱢᱟ ᱫᱷᱟᱨᱮ ᱨᱮ ᱢᱮᱱᱟᱜ-ᱟ ᱾ ᱠᱣᱮᱴᱟ ᱫᱚ ᱱᱚᱣᱟ ᱠᱤᱱ ᱵᱟᱨᱮᱭᱟ ᱫᱤᱥᱚᱢ ᱛᱟᱞᱟ ᱨᱮ ᱦᱤᱡᱩᱜ ᱥᱮᱱᱚᱜ ᱟᱨ ᱵᱟᱹᱱᱤᱡᱽ ᱨᱮᱭᱟᱜ ᱛᱟᱞᱢᱟ ᱠᱟᱱᱟ ᱾ ᱱᱚᱣᱟ ᱵᱟᱡᱟᱨ ᱫᱚ ᱛᱟᱞᱟ ᱮᱥᱤᱭᱟ ᱠᱷᱚᱱ ᱫᱟᱹᱠᱷᱤᱱ ᱮᱥᱤᱭᱟ ᱨᱮᱭᱟᱜ ᱫᱩᱣᱟᱹᱨ ᱵᱟᱞᱚᱱ ᱯᱟᱥ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱑᱙᱗᱘ ᱥᱟᱞ ᱨᱮ ᱟᱯᱷᱜᱟᱱᱤᱥᱛᱟᱱ ᱥᱟᱶ ᱦᱩᱭ ᱞᱮᱱ ᱞᱟᱹᱲᱦᱟᱹᱭ ᱨᱮ ᱯᱟᱠᱤᱥᱛᱟᱱ ᱢᱤᱞᱤᱴᱟᱨᱤ ᱞᱟᱹᱜᱤᱫ ᱟᱹᱰᱤ ᱜᱩᱨᱩᱛ ᱯᱩᱨᱩᱱ ᱵᱷᱩᱢᱤᱠᱟᱭ ᱱᱤᱵᱷᱟᱣ ᱞᱮᱜ-ᱟ ᱾
ᱧᱩᱛᱩᱢ ᱚᱢᱚᱱ
ᱠᱣᱮᱴᱟ ᱟᱹᱲᱟᱹ ᱫᱚ ᱯᱟᱥᱛᱷᱚ ᱟᱹᱲᱟᱹ ᱠᱚᱴ ᱠᱷᱚᱱ ᱦᱟᱛᱟᱣ ᱟᱠᱟᱱᱟ ᱾ [᱑᱐]
ᱱᱟᱜᱟᱢ
ᱚᱛᱱᱚ
ᱦᱚᱭ ᱦᱤᱥᱤᱫ
ᱦᱚᱲ ᱞᱮᱠᱷᱟ
ᱥᱟᱥᱚᱱ
ᱞᱟᱛᱟᱨ ᱞᱮᱵᱩᱞ ᱨᱮ ᱱᱚᱣᱟ ᱵᱟᱡᱟᱨ ᱫᱚ ᱢᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ ᱫᱟᱨᱟᱭ ᱛᱮ ᱥᱟᱥᱚᱱᱚᱜ-ᱟ ᱾ ᱱᱚᱰᱮ ᱫᱚ ᱖᱖ ᱡᱷᱚᱬ ᱣᱟᱨᱰ ᱢᱮᱢᱵᱚᱨ ᱢᱮᱱᱟᱜ ᱠᱚᱣᱟ ᱡᱟᱦᱟᱸᱭ ᱫᱚ ᱢᱮᱭᱚᱨ ᱟᱨ ᱰᱮᱯᱩᱴᱤ ᱢᱮᱭᱚᱨ ᱠᱚ ᱵᱟᱪᱷᱟᱣ ᱠᱚᱣᱟ ᱾
ᱥᱮᱪᱮᱫ
ᱠᱷᱮᱞ
ᱠᱣᱮᱴᱟ ᱨᱮᱱ ᱦᱚᱲᱟᱜ ᱵᱟᱨᱮᱭᱟ ᱢᱩᱬ ᱠᱷᱮᱞ ᱫᱚ ᱦᱩᱭᱩᱜ ᱠᱟᱱᱟ ᱯᱷᱩᱴᱵᱚᱞ ᱟᱨ ᱠᱨᱤᱠᱮᱴ ᱾ ᱚᱱᱟ ᱥᱟᱶᱛᱮ ᱱᱚᱰᱮᱱ ᱠᱚ ᱦᱚᱲ ᱮᱴᱟᱜᱟᱜ ᱠᱷᱮᱞ ᱦᱚᱸᱠᱚ ᱠᱷᱮᱞ ᱜᱮᱭᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱦᱚᱠᱤ, ᱴᱟᱭᱠᱚᱱᱰᱟ, ᱥᱠᱣᱟᱥ, ᱵᱩᱨᱩ ᱫᱮᱡᱚᱜ, ᱵᱚᱰᱤ ᱵᱤᱞᱰᱤᱝ ᱟᱨ ᱨᱚᱭᱤᱝ ᱮᱢᱟᱱ ᱾
ᱠᱣᱮᱴᱟ ᱨᱮᱭᱟᱜ ᱯᱷᱩᱴᱵᱚᱞ ᱴᱤᱢ ᱨᱮᱭᱟᱜ ᱧᱩᱛᱩᱢ ᱠᱚᱫᱚ ᱦᱩᱭᱩᱜ ᱠᱟᱱᱟ ᱠᱣᱮᱴᱟ ᱡᱚᱨᱣᱟᱨ, ᱢᱩᱥᱞᱤᱢ ᱮᱯᱷ ᱥᱤ, ᱦᱟᱡᱟᱨᱟ ᱜᱨᱤᱱ ᱯᱷᱩᱴᱵᱚᱞ, ᱵᱟᱞᱩᱪ ᱯᱷᱩᱴᱵᱚᱞ ᱟᱨ ᱠᱣᱮᱴᱟ ᱵᱟᱡᱤᱜᱚᱨ ᱮᱢᱟᱱ ᱾ ᱥᱚᱦᱤᱫᱽ ᱱᱩᱨᱚᱡᱽ ᱥᱴᱟᱰᱤᱭᱚᱢ ᱫᱚ ᱱᱚᱣᱟ ᱵᱟᱡᱟᱨ ᱨᱮᱭᱟᱜ ᱡᱚᱛᱚ ᱠᱷᱳᱱ ᱢᱟᱨᱟᱝ ᱥᱴᱟᱰᱤᱭᱚᱢ ᱠᱟᱱᱟ ᱾ ᱱᱚᱣᱟ ᱵᱟᱡᱨ ᱨᱮᱦᱚᱸ ᱯᱷᱩᱴᱵᱚᱞ ᱟᱨ ᱠᱨᱤᱠᱮᱴ ᱠᱷᱮᱞ ᱞᱟᱹᱜᱤᱫ ᱟᱭᱩᱵᱽ ᱱᱮᱥᱱᱟᱞ ᱥᱴᱟᱰᱤᱭᱚᱢ ᱢᱮᱱᱟᱜ-ᱟ ᱾ ᱵᱩᱜᱽᱴᱤ ᱥᱴᱟᱰᱤᱭᱚᱢ ᱫᱚ ᱠᱷᱟᱹᱞᱤ ᱠᱨᱤᱠᱮᱴ ᱥᱩᱢᱩᱝ ᱞᱟᱹᱜᱤᱫ ᱾
ᱵᱟᱦᱨᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ