Сан Томе уонна Принсипе Демокрааттыы Өрөспүүбүлүкэтэ (порт. República Democrática de São Tomé e Príncipe [sɐ̃ũ tu'mɛ i 'pɾı̃sɨpɨ]) диэн Гвинея хомотугар баар арыы дойду, киин Африка арҕаа кытылын аттыгар. Сан Томе уонна Принсипи диэн арыылартан турар. Арыылар ыккардылара 140-ча км, ону таһынан дойдуга 6 кыра арыы киирэллэр.
Олохтоохтор португаал тылынан саҥараллар.
Этимология
Арыылары 1471—1472 сыллаахха Португалия айанньыттара булбуттара. 1471 сыллаахха ахсынньы 21 күнүгэр арыйбыт арыыларын ол күн бэлиэтэнэр Апостол Фома аатынан «Сибэтиэй Фома арыыта» (порт. São Tomé, Арассыыйаҕа эмиэ урут «Сибэтиэй Фома арыыта» дииллэрэ[1] ааттаабыттар, 1920-с сс. «Сан-Томе арыыта» диир буолбуттар). Хас да нэдиэлэ буолан баран, 1472 сыл тохсунньу 17 күнүгэр, Сибэтиэй Антонийы ахтар күн, ыаллыы аарыыны булбуттар уонна кини аатынан ааттабыттар (порт. Santo Antão). 1502 сыллаахха арыы «Принц арыыта» (порт. Ilha do Principe) диэн ааттаммыт, Португалия бөрүстүөлүн нэстилиэнньигин чиэһигэр. Арыыга оҥоһуллар саахар түһээнэ кини туһатыгар барара. Арасыыйаҕа урут арыыны «Принцев остров»[2] дииллэрэ, 1920-с сыллартан «Принсипи арыы» диир буолбуттар.
Быһаарыылар
- ↑ Малый энциклопедический словарь. В 4 т. Т.4/репринт издания Брокгауза и Ефрона. — М.:ТЕРРА, 1997, ISBN 5-300-01017-0, стб.1387
- ↑ Ibidem
