سریندر گل (جم 23 مارچ 1942) پنجابی شاعر ہن اتے مشہور گیت چھٹا چانناں دا دیئی جانا ہو دے رچیتا ہن۔ اوہ بولی ڈیپارٹمنٹ پنجاب دے 2010 لئی شرومنی پنجابی شاعر انعام نال سنمانت ہن۔[۱]
جیون ویروے
سریندر گل دا جم 23 مارچ 1942 نوں سانجھے پنجاب دے ضلع لدھیانہ دے پنڈ رومی وچ س۔ سوداگر سنگھ گل اتے سری متی دلیپ کور دے پروار وچ ہویا۔
شعری مجموعہ
شگن (1963)
سفر تے سورج (1967)
گنگا درد (1987)
آواز (1998)
ہن دھیاں دی واری (2005)
دوستی دی رتّ (2007)
ادے توں است ہون تیک
من دا اتھرا گھوڑا
شعری نمونہ
لہو
ایہہ لہو میرے پنجاب دا اے
دھرتی تے ڈلھیا رنگ نہیں
ایہہ لہو میرے پنجاب دا اے
کوئی شہر دلی جاں امرتسر
میرا پنڈ رومی جاں پریت نگر
جدھروں وی چندری سوٕ آوے
میرے دل وچ ڈونگھی لہہ جاوے
ایہہ جو چوک وچ لہو-لہان پیا
ایہہ پنہ میری کتاب دا اے
کلھ رات پنڈ دیاں نیائیاں ’چوں
تڑ تڑ تڑ تڑ آواز پئی
ہر منہ تے سہم دا جندرا سی
ہر اکھ سی جیکن تڑک گئی
جہنوں ‘انپہچانی لاش’ کہن
ایہہ شو تاں کسے گلاب دا اے
کجھ شیطاناں دی چال صحیح
ساڈی جون تاں خراب ہوئی
کیوں شہر دے متھے سہم جیہا
کیوں پنڈ دی ستھّ بے آب ہوئی
اس چندری بوا دی جڑھ پھڑیئے
ایہہ لیکھا کس حساب دا اے
دھرتی تے ڈلیا رنگ نہیں
ایہہ لہو میرے پنجاب دا اے
ایہہ تتا لہو پنجاب دا اے
ایہہ گاڑھا لہو پنجاب دا اے
