ایٹم بمب

اک گیارہ میگاٹن دے بمب دا تجربہ

ایٹم بمب اک وڈی تباہی پھیلان آلا ہتھیار اے۔ اے یورینیم یا پلوٹونیم نال بنایا جاندا اے۔ اینو ہلے تک امریکہ، روس، برطانیہ، فرانس، چین، بھارت، پاکستان، اسرائیل، اتلا کوریا تے دکھنی افریقہ نے بنایا اے۔ اے ہلے تک امریکہ نے دو واری جپان دے خلاف استعمال کیتا اے۔

اک ایٹم بمب کئی ہزاروں عام بمباں دی طاقت توں وی زیادہ طاقتور ھوندا اے۔ اک چھوٹا ایٹم بمب وی شہر نوں تباہ کر سکدا اے۔ اینو بنانا اقوام متحدہ کے قوانین دے سخت خلاف اے۔ امریکہ نے جدوں ایٹم بمب ہیروشیمہ تے ناگاساکی تے سٹیا اوناں نے لکھاں جاناں لے لئیاں۔ اے بمب امریکہ نے 6 اگست 1945 تے دوجا بمب 8 اگست 1945 نو استعمال کیتا۔ کئی وریاں بعد وی کئی لوگ ایٹمی تابکاری نال فوت ہو گۓ۔

ایٹم بمب دو طرح دے طریقیاں نال تباہی پھیلاندے نے: فشن تے فیوژن دووے تریقیاں نال انتہائي تباہی ہوندی اے۔

ایٹم بمب دی قسماں

فشن بمب دی اسمبلی دے دو طریقے

ایٹم بمب دی دو قسماں ھوندیاں نے فشن بمب تے فیوژن بمب۔ فشن بمب اپنی طاقت ایٹمی فشن ریکشناں توں حاصل کردا اے۔ ایناں نو خاص طور تے ایٹم بمب کیا جاندا اے چونکہ اوناں دی طاقت ایٹم دے نیوکلیس توں آندی اے۔

فشن بمباں وچ فسم میٹیریل (یورینیم یا پلوٹونیم) اک دوجے تے تیزی نال ٹراۓ جاندے نے۔ اے کم دو طریقیاں نال ھوسکدا اے اک تے اے وے کہ عام چھوٹے بمباں نال تے دوجا اے وے کہ عام بماں نال اینو دبایا جاۓ۔ دوجا طریقا پہلے نال زیادہ پیچیدہ اے تے اے اس ویلے استعمال کردے نے جدوں کور پلوٹونیم دی ہوۓ۔

ایٹم بمب بناندیاں ہویائاں اک وڈا مسئلا اے ہودندا اے کے ایٹم بمب اپنے آپ نوں تباہ کرن توں پہلاں نکی جی طاقت استعمال کرے۔ ایٹم بمب دی طاقت اک ٹن ٹی این ٹی توں وی تھوڈی توں لے کے 500 کلوٹن ٹی این ٹی تک ہو سکدی اے۔

ٹیلر اولم ڈیزائن یا ہائیڈروجن بمب

دوجی قسم دے بمب اپنی طاقت ایٹمی فیوژن ریکشناں توں حاصل کردے نے۔ اینا بمباں نو تھرمنوکلیر بمب یا ہائیڈروجن بمب وی کیندے نے۔ اے بمب دوجے ایٹم بمب دے مقابلے تے زیادہ طاقتور ہوندے نے۔ ایناں نوں ہائیڈروجن بمب اس لۓ کیا جاندا اے کیونکہ اے اپنی تباہی ہائیڈروجن دیاں 3 آسوٹوپس دے فیوژن ریکشناں دے نال ہوندی اے۔

اک فیوژن بمب نوں پھاڑن آسطے کیونکہ ہائیڈروجن دے ایٹماں نوں اک دوجے دے کول لیانا پیندا اے اے آسطے ایٹماں دی الیکٹروسٹیٹک طاقت دے خلاف وی کج کم کرنا پیندا اے۔ اس کم دی طاقت اک فشن بمب نوں پھاڑن توں حاصل ہوندی اے اک فشن بمب پھاڑ کے اڈی گرمی تے طاقت خارج ہوندی اے کے ہائیڈروجن دے ایٹم فیوز کیتے جاسکدے نیں اے ریکشن تھلے دتا گیا اے۔

${\displaystyle \ ^{2}\mathrm {D} +^{3}\!\mathrm {T} =^{4}\!\!\mathrm {He} +n+17.6\ \mathrm {MeV} }$

فیوژن بمب ٹیلر الم ڈیزائن دے بناۓ جندے نیں اس ڈیزائن چ اک فشن بمب نوں اک فیوژن بمب دے نیڑے رکھیا جاندے اے تے اس مواد نوں اک تابکاری نوں ٹکرا کے واپس پیجن آلے ڈبے چ پیک کیتا جاندا اے تے جدوں فشن بمب چلایا جاندا اے تے اودھے توں نکلن آلے ایکس رے تے گیما رے پہلاں تے فیوژن بمب دے مواد(ٹریٹیم، ڈیوٹریم یا لتھیم ڈیوٹرائیڈ) دباندا اے تے اینوں انتہائی گرم کر دیندی اے جس دی وجہ توں بہت تیز رفتار تے نیوٹران نکلدے نیں جس دی وجہ توں وڈا دھماکہ ہوندا اے۔

ایٹمی جنگ

نشانے تک لے کے جانا

ایٹم بمب دے بارے چ قنون