ایہ محل وقوع دے اعتبار نال انتہائی اہمیئت دی حامل اے تے دنیا دیاں مصروف ترین آبی گزرگاہواں وِچوں اک اے۔
جزیرہ نما عرب اُتے راس منہلی تے افریقا اُتے راس سیان دے درمیان واقع اس آبنائے دی ودھ توں ودھ چوڑائی 30 کلومیٹر (20 میل) اے۔ پیرم دا جزیرہ اس آبنائے نوں دو حصےآں وچ تقسیم کردا اے جیہناں وِچوں مشرقی آبنائے باب اسکندر کہلاؤندی اے جو دو میل چوڑی تے 30 میٹر ڈونگھی اے جد کہ مغربی 16 میل چوڑی تے 310 میٹر ڈونگھی اے۔
نام
آبنائے نے اپݨا نام ایہدے وچ جہاز رانی وچ آؤݨ والے خطرات توں لیا اے یا اک عرب لیجنڈ دے مطابق اوہناں لوکاں توں جو اک زلزلے نال ڈُب گئے سی، جس زلزلے نے جزیرہ نما عرب نوں افریقی سِنگ توں الگ کر دِتا سی۔
"باب المندب" وچ "باب" توں مراد "دروازہ" اے جد کہ "مندب" توں مراد "نوحہ" اے۔
