E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Weganan Sentroamerikano i di Karibe
Supkategoria di
evento multideportivo, international competition
Fecha inisial
1926
Weganan Centroamericano y di Caribe (spaño: Juegos Centroamericanos y del Caribe; hulandes: Centraal-Amerikaanse en Caraïbische Spelen, y ingles: Central American and Caribbean Games, abrevia CAC) ta un evento multideportivo cu ta tuma luga cada cuater aña. Participante ta e mihor atletanan di e paisnan di America Central, Caribe y Mexico ademas di e paisnan Suramericano: Colombia, Guyana, Sürnam i Venezuela. E ta considera e evento multideportivo regional di mas bieu na mundo.
E prome tres edicion na 1926, 1930 y 1935 tabata bou di e nomber Weganan Centroamericano (Juegos Centroamericano, Juegos CAC). Contrario na otro eventonan multideportivo CAC no tin un solo luga pa tur ramo di deporte. Por tin un combinacion di diferente ciudad o hasta diferente pais, pero oficialmente semper tin un sede principal. Deportenan practica na e weganan ta pa un parti un cantidad di deporte olimpico, y pa otro parti deportenan cu ta wordo practica principalmente na e paisnan participante. Organisador di CAC ta Centro Caribe Sports.
Aruba
Desde Status aparte di Aruba na 1986 e isla ta representa pa un delegacion Arubano. Su prome medaya Aruba ta logra na 1993. Medayistanan Arubano ta entre otro Patrick Groters (2023), Kamilah Dammers (2014, 2023) y Mikel Schreuders (2018, 2023). Na edicion di 2023 ta gana un record di 16 medaya, mientras landado Mikel Schreuders ta fiha riba 50 m pecho un record nobo pa e weganan. E medayanan ta: dos oro y cuater plata (landamento); un oro (tiramento di flecha), dos di plata y cuater di brons (landamento artistico), un di plata (windsurf) y un di brons (taekwondo) y un di brons (ciclismo di BMX).[1]