Antriol

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

---

Antriol

Pais	Hulanda
Situá na	Boneiru
Lokalisá na	Kralendijk
Koordinato geográfiko	12°11′33″N 68°16′38″W

Antriol ta un bario di Kralendijk, kapital di Boneiru. E bario ta situá mas den tera i ta konsisti di 5 besindario: Amboina, Antriol P'abou, Antriol P'ariba, Guatemala i Lagun Hill. Ku masomènos 4.000 habitante Antriol ta e bario mas grandi di Kralendijk.^[1] Desde 2022 e bario tin su mesun bandera i himno.^[2]

Na 1626 a fundá Antriol tempu ku spaño i portugues tabata wòrdu deportá pa Boneiru. Su nòmber ta un korupshon di "Al interior" (den tera), kual a bira Entrejol i mas despues Antriol. Inisialmente e nomber tabata referi solamente na e parti ku awe ta yama Antriol P'abao. Tabata bedei Antriol P'ariba tambe komo Den Tera.^[1]

Kas di bara na Antriol (1947)

Bandera di bario Antriol

Skol basiko Kolegio Kristu Bon Wardador (2022)

Te ku prinsipio di siglo 20 kas di bara tabata e tipo di bibienda mas komun na Antriol.^[3] Den kurso di tempo Antriol i Kralendijk a krese hunta ku otro.

Na Antriol ta situá e parokia La Birgen di Coromoto, kual misa a wòrdu konsagrá na 1955. Su promé pastor tabata Pader R. Nooyen. E tin dos klup di futbòl Vitesse i Juventus, ku ta hunga ambos den Stadion di Kralendijk.

Anualmente ta selebra riba dia 27 di aprel Dia di Antriol, banda di e selebrashon di Dia di Rei.^[4] Na 2022 e bario a introdusí su propio bandera i himno. Diseñadó di e bandera ta Rolando Marin i outor di e himno ta Reginald Dortalina.^[5]

Fuente, nota i/òf referensia Antriol, Bonaireparadise.nl (nl) Antriol heeft nu eigen vlag en volkslied. Bonaire.nu (18 aprel 2022). Konsultá dia 19 aprel 2022. Boi Antoin, Het witte gat van Antriol, Bonaire.nu, 19 aprel 2020 Bonaire celebrates Dia di Antriol, BES Reporter, 28 di aprel 2022 Bario Antriol a desvela su propio Bandera i Himno (kantika). eanews.com (18 aprel 2022). Konsultá dia 2022-10=23.