PROFILBARU.COM

Sambucus nigra

Sambucus nigra en plena florison

Classificacion APG III (2009)
Règne	Plantae
Sosrègne	Tracheobionta
Division	Magnoliophyta
Classa	Magnoliopsida
Sosclassa	Asteridae
Òrdre	Dipsacales
Familha	caprifoliacées
Genre	Sambucus

Nom binominal

Sambucus nigra
L., 1753

Lo saüc negre o sambuc negre^[1] (Sambucus nigra) (var. sambuquièr negre, saüquèr negre, saücal negre, saücau negre) es un arbust caducifòli del genre Sambucus, que tradicionalament s'assignava a la familha Caprifoliaceae mas que las recercas geneticas fan classar a l'ora d'ara dins la familha Adoxaceae. Sambucus ven del grèc sambuke^[2], un instrument fach de fusta de saüc, e nigra^[2] ven del latin e vòl dire «negre» (se referissent a la color dels seus fruches madurs). L’espècia Sambucus nigra la trobam unicament en Euròpa, especialament pròche la Mediterranèa.

Descripcion

Planta arbustiva entre 2 m e 5 m de nautor, de brancatge dens e arredondit.

Organs vegetatius

La raiç es formada d'una part principala espessa e ben desvolopada amb d’autras pus primas que sòrton de la principala. La tija a una ramificacion simpodica amb consisténcia lenhosa. Las brancas mai joves an una medolha blanquinosa fòrça desvolopada. Las fuèlhas son compausadas, e contenon 5-7 foliòlas de forma elliptica. Aquestas foliòlas presentan una extremitat aguda e una basa atenuada, en mai d’un marge serrat. La textura de les fuèlhas es coriacia e presentan una certa lusor e una odor pauc agradiva.

Organs reproductors

Lo sambucus nigra porta d'estaminas e un ginecèu, e es un arbust ermafrodita. L'inflorescéncia es cimosa e corimbiforma ^[3]. Lo periant presenta un calici sodat a l'ovari. Es ovoïde e pòrta cinc dents pichonas. La coròlla es d'una sola pèça, amb cinc lobuls dubèrts en estela. L’androcèu se caracteriza per d'estaminas extèrnas e al ginecèu trobam un ovari epigin que conten una croncrescéncia pluricarpellara. Lo fruch es una baia arredondida de color negra carnosa de 6-8 mm de diamètre. Es un fruch comestible quand es madur, mas dins lo cas contrari pòt aver d'efièches toxics.

Farmacologia

Composicion quimica

Flavonoïdes: flavonòls (camferòl, quercetina), quercetina glicosids (1,5-3,0%), entre los quals s’incluson iperosid, isoquercitrina e rutina.
Triterpens: amirina, acids oleanolic e ursolic.
Sals mineralas: Sals potassicas
Òlis essencials (0,3%): 66% acids grasses (principalament linoleïc, linolenic e palmitic) e 7% d’alcans. S'es identificat fòrça autres constituents, eters e oxids, cetonas, aldeïds, alcòls e estèrs.
Autres constituents : acid clorogenic, tanins, mucilag, plastocianina (proteïna) pectina e sucre.

Referéncias e ligams extèrnes

↑ https://lodiari.com/lo-sauc/
↑ ^2,0 et ^2,1 Etimologia del nom scientific de genres e espècias[1](en)
↑ Error de citacion : Balisa <ref> incorrècta ; pas de tèxte per las referéncias nomenadas diec.