Saint Paul es la capitala de l'Estat de Minnesòta, als Estats Units. Es la segonda vila per lo nombre d'abitants après Minneapolis amb 285 068 abitants (recensament federal de 2010), amb que forma la conurbacion de Minneapolis-Saint Paul, quei comptava 3 348 859 abitants (2010).
Geografia
Mapa de la conurbacion de Minneapolis-Saint Paul.
Saint Paul se situa al nòrd del Midwest dels Estats Units, region del centre de l'America del Nòrd a aperaquí 650 km al nòrd-oèst de Chicago. Lo país estrangièr mai pròche es Canadà que ne's distant d'aperaquí 400 km. Mai precisament, la vila es localisada al centre-èst de l'Estat de Minnesòta, dins lo comtat de Ramsey près de la frontièra amb Wisconsin.
Istòria
Saint Paul comencèt d'èstre frequentada pels trapaires, aventurièrs e missionaris al començament del sègle XIXen, après la construccion de fort Snelling. La major part d'entre eles venián del Canadà pròche e de l'èst dels Estats Units. S'amassèron d'en primièr al jonhent dels rius Mississippi e Minnesòta. Lo primiièr abitant foguèt un canadian, Pierre Parrant, que dobriguèt lo primièr comèrci e abitacion de Saint Paul. Al començament dels ans 1820, la region venguèt un centre important de negòci. En 1841, lo paire missionari catolic roergàs Lucien Galtier establiguèt la Cathedral of St Paul que balhèt son nom a la vila. Saint Paul foguèt puèi la capitala del territòri puèi de l'Estat du Minnesòta (1858).
Es dins aquela vila qu’Irma Levasseur, primièra femna medecin, foguèt formada abans de tornar praticar en Quebèc e en Euròpa
En 1931, le caumatge e la misèria provocada par la Granda Depression entrainèron de susmautas de la fam dins la vila[1].
