"Ma bòna ditz... la bèla vida que fa Mossur Grasson ! : manja, bèu, canta e ropilha...! La coquina! còmpta per ren la digestion!"Tolon per Letuaire
Pèire Letuaire (Tolon, lo 6 d'aost de 1798 e lo 2 de seteme de 1885) foguèt un dessenhaire provençau fòrça emblematic de sa vila e de sa region que mantun de seis carricatura ostentan una legenda en lenga d'òc.
Naissut dins la carrièra sonada alara "pradel" e que pòrta uei son nom, venguèt sostien de familha ai 16 ans après de la mòrt de son paire e faguèt vivre sa maire e sei fraires ambé son trabalh de dessenhaire.
Obtenguèt après una plaça de professor de dessenh au collègi e, a maugrat de restar dins sa vila a laquala èra fòrça estacat, menèt una carrièra d'illustrator per mantun jornaus, enter d'autes, L'Illustration.
