L'ordo (en ordo: اُردُو) es una lenga indoariana (entre las lengas indoeuropèas) que ten la foncion de lenga comuna e oficiala dins l'estat de Paquistan e mai dins la populacion musulmana d'Índia. Es gaireben la meteissa lenga que l'indi: ordo e indi son doas lengas per elaboracion qu'apertenon al diasistèma comun nomenat indostani. L'ordo s'escriu amb l'alfabet arabi mentre que l'indi utiliza l'alfabet devanagari.
