Fotografia d'un entrepaus de marchandisas, un element clau de la logistica modèrna.
La logistica es l'activitat qu'a per objectiu de gerir lei flux fisics e leis donadas necessàrias per permetre la mesa a disposicion dei ressorsas requistas per respòndre a un besonh en respectant de condicions determinadas per lo quadre economic e legau, lo nivèu de qualitat demandat e lei condicions de seguretat necessàrias. A l'origina, èra una disciplina militara destinada a permetre ais armadas de viure, de se desplaçar, de combatre e d'assegurar l'evacuacion dei bleçats e dei presoniers de guèrra. Pasmens, durant lo sègle XIX, lo desvolopament de l'industria entraïnèt son extension a de domenis novèus coma lo transpòrt de marchandisas.
