Lo Figuièr es un important site preïstoric comprenent un jaç arqueologic e una bauma ornada delh Paleolitic superior. Se tròba a Sant Martin d'Ardecha, en Bas Vivarés, dins lo departament d'Ardecha.
Lo jaç arqueologic
L'espaciós pòrge d'entrada, chavat a partir de 1878, seguèt ocupat alh Mosterian (tipe la Quina), a l'Aurinhacian (lamas aurinhacianas e lamèlas Dufour), alh Solutrean (Solutrean ancian de puntas de fàcia plana, Solutrean superior de fuèlhas de laurièr) e alh Magdalenian superior (sagaias de bisèus dobles, de caneladura).
La sepultura d'un enfant d'aperaquí 5 ans, cubèrt d'òcra e acompanhat d'un clòsc pertusat de Glycymeris violacescens, seguèt descubèrta dins una galariá. Seguèt datada alh Magdalenian.
