La vila foguèt batejada d'après lo nom de Joe Juneau, prospector d'aur quebequés, après èsser estat sonada Rockwell e Harrisburg. Lo nom local de la vila en tlingit es Dzántik'i Héeni ("Basa del riu dels flatans").
Lo riu Taku, just al sud de Juneau, es sonat d'après lo vent freg t'aakh, que de còps que i a bufa de las montanhas
L'abséncia de ret rotièra es deguda als territòris extramament accidentats qu'enròdan la ciutat. Aquela situacion fa de facto de Juneau una ciutat-illa en tèrmes de transpòrt, tota las merças dintran o sortisson per batèu o avion, e mai que la vila siá situada sul continent.La vila es situada al nivèl de la mar, al pe de montanhas que s'enauçan a 1200 mètres d'altitud.
Subre aquelas montanhas s'estend lo Camp de glaç de Juneau, una bèla estenduda de glaç ont rajan mai de 30 glacièrs; dos d'aqueles, lo glacièr de Mendenhall e lo glacièr de Lemon Creek, son vesedors dempuèi las carrièras de la vila. Lo glacièr de Mendenhall se retira dapasset; sa fàcia frontala se demesís en nautor e en espessor.
