Joan V (papa)

Retrach dau papa Joan V dins la Basilica de Sant Pau Fòra lei Muralhas.

Joan V (mòrt lo 2 d'aost de 686) foguèt lo 82^en papa de la Glèisa Catolica Romana dau 23 de julhet de 685 au 2 d'aost de 686. Succediguèt a Beneset II (684-685) e foguèt remplaçat per Conon (686-687).

Èra probablament originari d'Antiòquia en Siria. En rason de sa conoissença dau grèc, foguèt nomenat representant dau papa Agaton (678-681) dins lo corrent dau Tresen Concili de Constantinòble. Au contrari de sei predecessors dau periòde de la papautat bizantina, l'eleccion de Joan V foguèt pas aprovada dirèctament per l'emperaire bizantin Constantin IV (668-685) mai realizada dirèctament per lo pòble e lo clergat de Roma.

Relativament brèu, lo pontificat de Joan V foguèt marcat per lo melhorament dei relacions entre Roma e Constantinòble. Divèrseis impòsts, especialament regardant Sicília e Calàbria, pagats per la papautat foguèron demenits e l'emperaire favorizèt l'adopcion dei conclusions dau Tresen Concili de Constantinòble que condemnavan lo monotelisme.

Liames intèrnes

• Lista dels papas.

Bibliografia

Nòtas e referéncias