Inuktitut

Inuktitut

Inuktitut ᐃᓄᒃᑎᑐᑦ
Parlat en	Canadà
Region	Territòris del Nòrd Oèst, Tèrranòva e Labrador(Nunatsiavut), Quebèc(Nunavik), Nunavut
Locutors	34 100 (2011)
Classificacion lingüistica
Inuktitut
Còdis lingüistics
ISO 639-1	iu
ISO 639-2	iku
ISO 639-3	iku
Ethnologue	iku
Linguasphere	60-ABB-d
IETF	iu
Endangered	6449

L’inuktitut (sillabari inuktitut : ᐃᓄᒃᑎᑐᑦ) es un dels quatre grands ensembles dialectals de la lenga inuit, los tres autres ensembles essent l’inupiaq, parlat en Alaska, l’inuktun, parlat dins lo nòrd-oèst canadenc, e lo groenlandés, parlat en Groenlàndia.

Aquel grop inuit-inupiaq aperten a la branca eskimo (que comprend tanben lo yupik e sas varietats) de la familha esquimaudas-alèutas.

Distribucion geografica

L’inuktitut es parlat per prèp de 30 000 personas dins l’Artic oriental canadenc, en Quebèc (dins Nunavik), dins l’illa de Baffin, e dins Nunavut (ont ten l'estatut de lenga oficiala), e es utilizat dins la senhalizacion rotièra bilingüe.

Escritura

Article detalhat: Sillabari inuktitut.

Senhnalizacion bilingüe en inuktitut e anglés a Iqaluit, capitala de Nunavut (julhet de 2004). Lo mot inuktitut es nuqqarit.

D’en primièr tradicionalament orala, l'inuktitut ten la particularitat d’èsser estat transcrit a partir del sègle XIXen dins un sistèma de notacion sillabica, contrariament a d'autras lengas oralas que foguèron generalament transcritas en caractèrs latins.

Des missionnaris venguts d’Euròpa incitèron los pòbles de l’Artic a adoptar un sistèma d’escritura per fin de los introduire al crestianisme per la Bília. Uèi los Inuits de l’Artic canadenc utilizan siá l’alfabet latin (qaliujaaqpait) siá los caractèrs sillabics (qaniujaaqpait). Lo primièr sistèma d’escritura utilizat pels Inuit fasiá servir l’alfabet latin, en Groenlàndia, dins los annadas 1760.