L’illa de Vancouver[1] (en anglés : Vancouver Island)[2]es una granda illa costièra de Colómbia Britanica en Canadà sus la còsta pacifica. Separada del continent per l'estrech de de Georgia, es l'illa pus granda de la còsta oèst americana amb 32 134 km².
La part sud de l'illa de Vancouver es la sola region de Colómbia Britanica que s'estend al sud del 49en parallèl, amb tanben qualquas illas del Golf (Gulf Islands). Aquela region ten un dels climas mai caud de Canadà, e dempuèi los ans 1990 es tanben possible d'i far venir d'olivas e de citrons.[3]
L'illa de Vancouver a una populacion de 799,400 personas segon lo recensament de 2016,[4] que aperaquí la mitat (344,630) vivon dins la zona metropolitana del Grand Victòria. Las autras vilas importantas sus l'illa son Nanaimo, Port Alberni, Parksville, Courtenay, e Campbell River. Victòria, la capitala de la Colómbia Britanica, es situada sus l'illa de Vancouver mas pas sa mai granda vila, la ciutat de Vancouver que se tròba sul continent de l'autre costat de l'estrech de Georgia.
L'illa de Vancouver foguèt la tèrra natala de mai d'un pòbles indigèns durant de milièrs d'annnadas. L'illa foguèt explorada per d'expedicions britanicas e espanhòlas a la fin del sègle XVIII. Foguèt nomenada Illa de Quadra e Vancouver en remembrança de las negociacions de 1792 entre lo comandant espanhòl de Fort San Miguel, Juan Francisco de la Bodega y Quadra, e lo capitani britanic George Vancouver, durant la crisi de Nootka.
