La Guèrra de la Confederacion se debanèt de 1836 a 1839 sus lei territòris de la Bolívia e dau Peró actuaus. Opausèt lei fòrças de la Confederacion Peró-Bolívia a una coalicion gropant independentistas perovians, Chile e Argentina. Doas causas principalas permèton d'explicar l'entraïnament dau conflicte. Premier, una partida importanta dei Perovians refusava d'acceptar l'intrada de son país dins la Confederacion Peroviano-boliviana segon un procès qu'èra en fach una annexion de Peró per Bolívia. Puei, la formacion de la Confederacion entraïnava una modificacion importanta dei rapòrts de fòrça en America dau Sud e aquò suscitèt l'oposicion de plusors estats, especialament aquela de Chile, a sa formacion. La guèrra s'acabèt ambé la victòria chilena de Yungay. La mitat de l'armada confederala i foguèt destrucha entraïnant l'afondrament de la Confederacion e la restauracion de l'independéncia de Peró.
Liames intèrnes
Bibliografia
Nòtas e referéncias
.svg){kind=small}
