La Guèrra Lelantina es un conflicte de l'Antiquitat grèga. Se debanèt ai sègles VIII e VII avC e opausèt lei doas ciutats principalas de l'illa d'Eubèa, Calcis e Eretria, a prepaus dau contraròtle dei richessas de la region. D'efiech, lei doas vilas deguèron faciar tre lo sègle VIII avC una pression demografica importanta e participèron fòrça a la colonizacion grèga dau Bacin Mediterranèu. Pasmens, aquò foguèt pas sufisent e de combats aguèron luòc per la possession dei zònas agricòlas d'Eubèa. La guèrra entraïnèt lo declin dei doas ciutats e son eissida sembla indecisa maugrat l'existéncia de quauquei fònts, pauc fisablas, indicant una victòria finala de Calcis.
Liames intèrnes
Bibliografia
Nòtas e referéncias
