Membre del Partit socialista, es senator del Ròse de 1999 a 2017, cònsol màger de Lion de 2001 a 2017 e president de la metropòli de Lion de 2015 a 2017. Lo 17 de mai de 2017, ven ministre d'Estat, ministre de l'Interior dins lo govèrn d'Édouard Philippe.
Biografia
Familha
Gérard Collomb es lo filh de Marc Collomb (1906-2004), obrièr-metallurgista, sindicalista CGT e de Marcelle Cuissard (1910-2004), femna de sevici[1],[2],[3]. Los parents son originaris de la region lionesa[4]. A una sòrre aïnada Yvette Collomb (nascura en 1933).
Un primièr còp, en 1968, se marida amb Geneviève Bateau (nascuda en 1947)[5], an dos filhs:
Thomas Collomb (nascut en 1974), inspector de polícia[6].
Anne-Laure Collomb (nascuda en 1976), bibliotecària a la Bibliotèca municipala de Lion[7].
Divorcian en 1994.
Amb sa companha Myriam, es lo paire d'Alexandre Collomb (nascut en 1996).
Gérard Collomb se marida un segond còp en 2001 amb Caroline Rougé (nascuda en 1976), an doas filhas:
Clémence Collomb (nascuda en 2006).
Camille Collomb (nascuda en 2007).
Estudis e carrièra professionala
Après una khâgne al lycée du Parc, puis d'estudis superiors a la facultat de letras de Lion, Gérard Collomb ven professor afrejat de letras classicas en 1970.
_(cropped).jpg)
