Districte federal

Un districte federal (var. districte federau) es una subdivision d'un territòri que dins un sistèma de govèrn federal aparten pas als estats o províncias que forman la federacion. Aquestes districtes son de territòris separats jos contraròtle dirècte del govèrn federal, e sovent coincidisson amb la capitala de la federacion o son lo sèti d'unas brancas del govèrn federal.

Es comun que las federacions creen de districtes federals amb l'objectiu d'evitar l'influéncia dels interesses particulars d'unes estats o províncias membres. En aqueste cas, se nomena Capitala Federala per la distingir d'autre tipes de capitalas (estatalas, municipalas, provincialas).

Districtes Federals del mond

• America del Nòrd.
  • Districte de Colómbia, l'entitat qu'administra Washington, capitala dels Estats Units
• Pacific
  • Canberra

• America del Sud
  • Districte Federal (Argentina), tanben nomenat Capitala Federala (o pus recentament, Ciutat Autonòma de Buenos Aires), ont se tròba Buenos Aires.
  • Districte Federal (Brasil), ont se tròba Brasília.
  • Districte Federal (Mexic), ont se tròba la Ciutat de Mexic.
  • Bogotà, Districte Cabdal, Colómbia.
  • Districte Cabdal (Veneçuela) nomenat Districte Capitala, ont se tròba Caracas.

• Asia
  • Territòri de la capitala nacionala (Índia).
  • Territòri Federal d'Islamabad (Paquistan).
  • Los tres territòris federals de Malàisia: Kuala Lumpur, la capitala, sèti del poder legislatiu e judiciari. Putrajaya, sèti del poder executiu. Las 7 illas pichonas de Labuan.

• Euròpa
  • I a 7 districtes federals en Russia. Dins la Federacion Russa, i a 7 districtes federals que son, un nivèl administratiu addicional entre lo nivèl nacional e las autras subdivisions menoras.