Lo Còl de la Magdalena, (en italian Colle della Maddalena, en francés Col de LArche) es un còl dels dels Alps, a la frontièra entre França e Itàlia. Foguèt tanben nomenat còl de l'Argentièra. Fa comunicar la comba de L'Archa, part auta d'Ubaieta, ramificacion de la vau d'Ubaia dins los Aups d'Auta Provença, amb la val d'Estura, en Piemont. Se situa entre 1991 e 1997 mètres d'altitud, entre Chambairon au nòrd-èst e lo massís de Mercantor-Argentera au sud-oèst. Levat en de raras ocasions es dobèrt tot l'an.
