Cambridge (en anglés britanic: [ˈkeɪmˌbɹɪdʒ][2]) es una ciutat britanica situada a 80 km al nòrd-èst de Londres a l'embocadura de la ribièra Cam. La vila es coneguda especialament per èstre un centre universitari màger del Reialme Unit, après la ciutat d'Oxford. Es lo centre administratiu del comtat de Cambridgeshire. A recebut l'estatut de ciutat en 1951.
En 2018, la populacion de la vila èra estimada a 125 758 abitants, dont mai de 24 000 estudiants (entre losquels mai de 17 000 estudiants de l'universitat de Cambridge). Actualament, 31 collègis son gerits de biais autonòm e independant, assegurant l'albergament e lo seguit pedagogic dels estudiants mentre que l'universitat s'encarga de l'ensenhament.
Uèi Cambridge es un centre de technicas de punta escaissat lo Silicon Fen (d'après Silicon Valley). Sa fòça economica e inovairitz repause sus las industrias de l'informatica, la biologia e de startup coadas per l'universitat. Mai de 40% de la populacion an un diplòma d'education superiora, siá mai de dos còps la mejana nacionala.
.svg){kind=small}
