Lo bielorús (autonim: беларуская мова, en alfabet latin - łacinka: biełaruskaja mova; autras transcripcions: BGN/PCGN: byelaruskaya mova, Scientific: belaruskaja mova) es una lenga eslava parlada en Bielorussia amb l'estatut de lenga oficiala e tanben dins qualques regions de Polonha.
Bielorús
Los locutors son estimats a aperaquí 8 milions de personas (sèt milions en Bielorussia, mièg milion en Russia, aperaquí 200 000 en Polonha e benlèu 150 000 en Ucraïna). La lenga mòstra de caracteristicas de transicion entre l'ucraïnés e lo polonés, amb de fòrtas influéncias del lituanian. Se devesís en quatre dialèctes: nòrdoriental (a Połack, Viciebsk i Mahilou), sudoccidental (Hrodnia, Baranavičy, Słuck i Mazyr), zabłudau o central, qu'es emplegat coma basa de la lenga literària, e polesian.
