Zhenjiang (forenkla kinesisk 镇江; tradisjonell kinesisk 鎮江; pinyin Zhènjiāng) er eit byprefektur i provinsen Jiangsu i Kina, på sørbreidda av Chang Jiang. Prefekturet har eit areal på 3 799 km² og 3 113 384 innbyggjarar i 2010. Av desse bur 1 189 320 i storbyen.
Byprefekturet Zhenjiang omfattar tre distrikt (区 qū) og tre byfylke (市 shì).
Samferdsle
Byen ligg ved Keisarkanalen og Kinas viktigaste naturlege vassveg, Chang Jiang.
Den viktige jarnbanelinja Jinghubanen, som strekker seg frå Beijing til Shanghai har stoppestad i Zhenjiang. Også snøggtoget mellom Beijing og Shanghai har stoppestad her.
Riksveg 312 i Kina går gjennom området. Han går frå Shanghai og passerer mellom andre Suzhou, Nanjing, Hefei, Xinyang, Xi'an, Lanzhou, Jiayuguan i Gansu og Urumqi, før han endar på grensa mot Kasakhstan.
Historie
Zhenjiang var eit viktig handelssenter både under Mingdynastiet og Qingdynastiet.
Kjelder
