Your Smiling Face

Your Smiling Face Singel av James Taylor frå albumet JT
B-side	If I Keep My Heart Out of Sight
Utgjeve	September 1977
Sjanger	Softrock
Lengd	2:30
Selskap	Columbia
Låtskrivar(ar)	James Taylor
Produsent	Peter Asher
James Taylor-kronologi
«Handy Man» (1977)	Your Smiling Face	«Honey Don't Leave L.A.» (1977)

«Your Smiling Face» er ein song av James Taylor, først gjeven ut på albumet JT, og så gjeven ut på singel i september 1977. «Your Smiling Face» nådde 11. plassen på Cash Box-lista og 20. plassen på Billboard Hot 100 mot slutten av året.^[1] Han nådde 11. plassen på RPM Top Singles-lista i Canada.^[2] På Billboard si Adult Contemporary-liste nådde han 6. plassen.^[1][3]

Bakgrunn

Linjer som «Isn't it amazing a man like me can feel this way?» speglar Taylor si overrasking over den nyvunne lykka si i forholdet til Carly Simon.^[4] Rolling Stone-kritikaren Peter Herbst skildra han som «skamlaust lukkeleg».^[5] Ifølgje Taylor-biografen Timothy White vart likevel songen skriven til Taylor og Simon si då tre år gamle dotter Sally.^[6] White skildra songen som ein «pop -sonette».^[6] Billboard Magazine skildra songen som ein «sterk oppfølgjar» til «Handy Man» og meinte melodien var «livleg» og «smittsam».^[7] Taylor skildra songen som ein «god, letthjarta popkjærleikssong».^[6] Cash Box sa at «litt finurleg stemmegymnastikk som tilfører det avgjerande personlege preget».^[8] Herbst rosar vokalen til Taylor for å vera «ein ganske overbevisande rocksongar» på songen.^[5]

«Your Smiling Face» var eit fast innslag på konsertane til Taylor, men han måtte forlata songen ei stund då han gjekk gjennom ein periode der han hadde problem med å nå falsetttonane.^[6]

Medverkande

• James Taylor – solovokal, akustisk gitar
• Danny Kortchmar – elektrisk gitar
• Leland Sklar – bassgitar
• Dr. Clarence McDonald – piano
• Russell Kunkel – trommer
• David Campbell – strykearrangement, dirigent

Salslister

Vekeslister Liste (1977–78) Plassering Canada RPM Top Singles[2] 11 Canada Adult Contemporary (RPM) 4 US Billboard Hot 100 20 US Billboard Adult Contemporary 6 US Cash Box Top 100[9] 12

Årslister Liste (1977) Rank Canada RPM Top Singles[10] 140

Populærkultur

• Songen vart brukt i filmen FM frå 1978, med Michael Brandon og Eileen Brennan i hovudrollene.^[11]
• Han vart parodiert i South Park-episoden «Fat Camp» som «The Prostitute Song».^[12]
• I Sesame Street song Taylor ein parodi av songen til Oscar the Grouch med tittelen «Whenever I See your Grouchy Face».^[13][14]
• Traileren til Adult Swim-programmet Smiling Friends bruker songen.^[15]

Kjelder

• Denne artikkelen bygger på «Your Smiling Face» frå Wikipedia på engelsk, den 8. april 2023.
  • Wikipedia på engelsk oppgav desse kjeldene:

1. «JT Awards». AllMusic. Arkivert frå originalen 11. juni 2013. Henta 7. april 2023. 
2. «RPM 100 Singles». Library and Archives Canada. 24. desember 1977. Henta 7. april 2023. 
3. «RPM Adult Oriented Playlist». Library and Archives Canada. 10. desember 1977. Henta 7. april 2023. 
4. Ruhlmann, W. «JT». AllMusic. Henta 7. april 2023. 
5. Herbst, P. (11. august 1977). «JY». Rolling Stone. Arkivert frå originalen 29. mars 2010. Henta 4. april 2023. 
6. White, T. (2009). Long Ago And Far Away: James Taylor - His Life And Music. Omnibus Press. s. 248–250. ISBN 9780857120069. 
7. «Top Single Picks» (PDF). Billboard. 1. oktober 1977. s. 94. Henta 11. juli 2020. 
8. «CashBox Singles Reviews» (PDF). Cash Box. 1. oktober 1977. s. 18. Henta 7. april 2023. 
9. CASH BOX Top 100 Singles Week ending DECEMBER 17, 1977.
10. «Top 200 Singles of '77 – Volume 28, nr. 11, December 31 1977». RPM. Library and Archives Canada. Henta 25. juni 2016. 
11. «FM Soundtrack». IMDb. Henta 7. april 2023. 
12. O'Neal, S. «10 Underrated South Park Songs». nerve.com. Henta 7. april 2023. 
13. «VH1 Music Studio: Past Programs and Lesson Plans». VH1. Henta 7. april 2023. 
14. Brenner, J. (22. november 2013). «Sesame Street fyller 44 år: Våre favorittkjendisøyeblikk!». Parade. Henta 7. april 2023. 
15. Smiling Friends | OFFICIAL TRAILER | adult swim (på engelsk), henta 18. desember 2021