Your Mamma Won't Like Me er det tredje studioalbumet til den amerikanske musikaren Suzi Quatro.[6] Det kom ut i mai 1975 på Rak i fleire land, men kom ut i USA på Arista Records. Plata markerte ei endring i hardrockstilen hennar frå dei to førre albuma Suzi Quatro og Quatro, mot ein meir funk-basert rockestil.
Tittelsporet nådde 31. plassen på den britiske singellista i februar 1975.[7] Den andre singelen til bandet, «I Bit off More Than I Could Chew», nådde òg lista, og nådde 54. plassen på den britiske singellista. «Michael» vart gjeven ut på singel i somme land, inkludert Australia, der han gjekk inn på topp 100. Albumet nådde albumlistene i fleire land, med ei topp 50-plassering i Tyskland, Noreg og New Zealand, i tillegg til at det nådde 146. plassen i USA.
Albumet inneheld ein coverversjon av Little Willie John sin «Fever». Dette var den siste plata hennar med Alistair Mackenzie på klaverinstrument og Mike Deacon erstatta han etter dette. I 2012 vart albumet gjeve ut på ny og digitalt ommastra på 7T's Records i Storbritannia, i lag med dei andre studioalbuma hennar.[3] Denne utgåva kom med bonusspor og nokre sjeldne fotografi.[1]
